汪阿姐踩場探ViuTV節目班 家英哥：佢以羅太身份嚟

羅家英和李子雄為ViuTV遊戲節目《Good Night Show全民星戰》錄影時，身為無綫藝人的汪明荃（阿姐）與弟弟到場探班，逗留一小時就離開。最搞笑影大合照時，主持之一的林敏驄，竟大膽將ViuTV貼紙擺在阿姐頭上。
談到世界盃，李子雄表示事一直支持巴西隊，亦好欣賞其球技，不過希望入球後保留跳森巴舞。羅家英認為比利時是黑馬，亦會帶同阿姐與明星足球隊到俄羅斯睇世界盃。家英哥自爆阿姐曾睇他踢足球，當時他要用手拋界外球，搞到阿姐問點解用手。他說：「她無乜玩運動，試過打羽毛球打傷咗，但她鍾意跳舞同做健身運動、行下路囉！」提到林敏驄搞搞陣玩阿姐，家英哥說：「林敏驄低B，睬佢都傻，佢係人都玩，不分大細，由佢啦！無乜嘢。」
談到阿姐身為無綫藝人到ViuTV節目探班，家英哥說：「發生少少意外，突然有人來探班，呢個係羅汪明荃，佢係公司高層，但驚某公司高層問點解佢會嚟呀？佢以羅太同明星足隊名譽會員身份嚟探班，應該無乜問題，何況無接受訪問，影張相之嘛。我哋一家人，加上佢弟弟返來，我又好少在香港做節目，所以嚟探班同我打氣。（會否擔心無綫小器？）唔講呢啲，或者佢唔小器呢，係我哋驚㗎啫。」談到可會認為演藝界要互相幫助？他說：「其實演藝界係和和氣氣、百花齊放，你幫我、我幫你無乜問題嘅。」（攝影：羅安強）