趙學而感激男性高層鼓勵 騷後返屋企瞓未有慶祝

完成個唱趙學而接受訪問時，對於選唱《誰明浪子心》作為結尾歌曲，趙學而坦言難得在紅館開個唱跟觀眾開心互動的時刻，亦曾經邀請過王傑，但對方檔期排得好密。談到有個位高權重指她無價值，她說：「我話左唔講就唔講架啦！但另一個位高權重的人係一個男性高層，梗係多謝佢，唔係佢番說話，我都唔會咁大決心繼續行落去，當然自己有一個價值觀，但唔等於人地一句說話抹殺了所有過往的成績同努力。好多謝佢這番說話，令我在不同範疇再得到不同成績，而到今日可以返回舞台唱歌。」
（今次爭氣對曾指你無價值的人知？）「我為自己爭氣，不覺得做畀任何人睇，應該做畀自己。」談到穿著銀色bra top上陣，她笑言毋需睇，老公有何未睇過，也做足安全措施不會走光，又解釋入不到key要重唱，因本身如遇到危急情況心情好易亂，就會有輕微出錯，但幸好唱現場可以重唱。問到可會慶祝？她說：「過埋五一黃金周先，所以要在屋企瞓飽同填飽個肚先。」