【石棺藏屍案】次被告無稱只負責埋屍無份殺人

前年3月在荃灣工廈DAN6發生的水泥棺藏屍案今早在高等法院續審。

在香港國際機場拘捕次被告「阿豪」的警務人員黎俊業作證指，警誡下對方稱「阿蛇，係張善恒箍著張萬里，跟著打針，佢就死咗啦，我淨係埋屍咋，我冇份隊死佢」。

「阿豪」在錄影會面期間表示案發時自己原在睡覺，但被掙扎、發力等踫撞聲弄醒，「KK」大叫「幫拖阿！」，他便看見「KK」右手箍著死者喉頸、左手掩著死者的口，張掙扎，「KK」再反轉死者，將他推向「阿豪」，令死者朝天壓在「阿豪」身上，「KK」半跪在死者的上半身 ，一手箍著死者頸部，另一手用勞工手套掩其鼻及口，接著「KK」以沾上哥羅芳的白布再掩死者口鼻，死者當時發出「扯蝦」的聲音「KK」大叫「搞掂啦，落嚟啦」。「阿豪」續指自己驚嚇，怕死者斷氣，故上樓拿化妝鏡放在死者鼻前，而當時鏡上有「霞氣」，表示他還有呼吸。「阿T」則用針筒往死者注射淡黃色液體，「阿豪」指打針時死者尚發出短促的「扯蝦」聲。

及後，「阿豪」指自己呆在原地，3人商討該怎辦時，「阿T」和「KK」「氹佢」：「而家大家同一條船啦，冇乜嘢所謂，冇乜嘢分別啫，都係要搞掂佢架啦，你估到時如果有乜嘢事上嚟，你唔會一齊死咩」，會面中，「阿豪」謂即使自己沒有殺人，沒有協助殺人，但害怕會揹上同一樣罪名。

3名被告遂將死者搬入洗手間，當時「阿豪」不肯定張萬里已死，但稱當「阿T」提議為死者「放血」並在其左腳𠝹了一刀時，死者沒有流血。「阿豪」又指案發當晚首被告著他將死者的奧米加手錶賣掉，但自己不能拒絕，因還處於驚恐的狀態，不知道如何令自己與事件脫離關係。

法庭記者：郭止晅