大媽機艙脫鞋晾腳 屢勸不聽迫乘客聞臭腳

飛機機艙空間狹窄，即使是微小動作，亦可能對其他乘客造成影響。有港人由泰國乘搭飛機回港，見到一名大媽將腳放上椅背上，乘客投訴後大媽被機艙人員警告，其後她又問機艙人員借被，竟張被包住雙腳，繼續將腳放於椅背上，稱「腳趾公受傷，如果放隻腳落嚟會流血不止」，引起網民討論。

港人乘客於Facebook專頁「巴打絲打」上載圖片，指見到一名大媽將腳放上椅背上，旁邊的兒子未有理會，「已經有乘客開始反映意見感到有臭味，機艙人員亦馬上對國語大媽作出警告， 然後大媽問工作人員攞咗張被，我以為佢會放返隻腳落嚟， 原來係佢隻腳好凍，要攞將被包住隻腳，而大媽聲稱腳趾公受傷，如果放隻腳落嚟會流血不止」。

乘客續指，空姐當時只有不停在機廂內噴空氣清新劑， 寄艙內所有乘客只好默默接受，沒有作出激進行為，「到咗放飯時間真係頂唔順，我再一次向機上職員提出意見，佢咁嘅行為我真係食唔到飯，空姐又再三同佢提出放低隻腳嘅要求，但當然又係唔成功啦」，圖片所見，大媽於食飯時間將腳放下來。

他稱，下機後有外國乘客忍不住罵兩母子，「你真係有需要全飛機去容忍你兩母子嘅自私行為?」

網民見到都感到嘔心，「唔理你係乜嘢人，總言之放隻臭腳係我個頭嘅位置就一定唔得」、「有嘢食佢又識放返落嚟」、「 自私到極點，只顧自己，討厭」。