成班老友飛布吉度假 袁詠儀孖張智霖玩啤牌「憤怒鳥」

蔡一智為慶祝老婆生日，約齊班老友帶埋仔女過布吉歎世界及開生日會，張智霖、袁詠儀（靚靚）與囝囝慕童、陳小春、應采兒及Jasper（小小春）、關心妍一家三口等人齊齊度假，眾人襯好晒著夏威夷衫合照，又熱鬧又盡興。

連日來蔡一智不時在社交平台分享泰式美食照，更在度假屋內玩泰拳。其他老友則賭返兩手，靚靚今日在社交平台上載兩公婆的搞笑照片，各人手執啤牌，滿面鬚根的張智霖眼神充滿煞氣，靚靚亦怒啤老公，相中加上「Angry Bird」的字樣，她笑指是「睹城瘋人」。