【解僱車長】九巴fb出漫畫「停低休息吓」網民嬲嬲：今日起開始罷搭

2018-03-06 20:45

九巴解僱早前發起工業行動的九巴車長，包括「月薪車長大聯盟」召集人葉蔚林、其丈夫劉卓恆以及有份響應行動的黃燕茹。九巴公司晚上隨即在facebook專頁貼出3格漫畫圖，「近排辛苦喇，停低休息吓啦！」，但帖文旋即獲超過5千人「嬲嬲」。

漫畫以「九巴仔的日常- 城市要Go On」為題，講述有等車乘客關心滿頭大汗的站務助理「九巴仔」指︰「近排辛苦喇，停低休息吓啦！」。不過「九巴仔」邊擦汗邊說︰「咁多人要返工返學，個城市唔停得架！」

不過網民留言似乎不太受落，幾乎一面倒批評九巴解僱決定，「咁樣炒人, 無理由又無氣度, 唔會再相信呢間公司」、「一停就俾人炒吖嘛，辛苦晒喎九巴仔」、「秋後算帳你哋公司就最叻」。有網民更揚言「由今日起開始罷搭」。