【又到聖誕】梁詠琪教Sofia整薑餅屋 陳豪孖仔女裝飾聖誕樹

下個月就係聖誕節，唔少燈飾都已經揭幕，圈中的星爸星媽亦同仔女預備這個溫馨節日，未到聖誕就率先晒幸福。梁詠琪（Gigi）近來鑽研整餅，同兩歲囡囡Sofia享受親子甜蜜時刻，一齊整薑餅糖果屋，可愛的Sofia好專心用糖果裝飾甜品。Gigi捧住七彩繽紛的薑餅屋玩自拍，扮囡囡開心留言：「同媽媽一齊整ginger bread house糖果屋準備過聖誕！Holiday season is coming！」 好爸爸陳豪繼昨日同老婆陳茵媺拖手拍拖後，今日在社交平台貼出兩子一女裝飾聖誕樹的溫馨照，一家五口喜迎聖誕節。陳豪留言：「每逢聖誕都是孩子們最開心的日子，他們急不及待，同心協力把聖誕樹好好修飾一番，不過最期待還是滿滿的聖誕禮物。」睇嚟「聖誕老人」陳豪要花心思買定禮物啦。