預告「少婦聯盟」去旅行 龔嘉欣想齊齊沖涼

四葉草系列劇集是不少人的青春回憶，龔嘉欣2008年參與拍攝該系列的第三輯《盛裝舞步愛作戰》，為她入行的第一部作品。 從事演藝事業9年，或許因為嘉欣予人楚楚可憐的感覺，因而經常飾演一些慘情角色。她去年憑《幕後玩家》程思汝一角，奪得無綫萬千星輝頒獎典禮的「最佳女配角」，劇中的喊戲獲觀眾大讚演得出色，令人看得十分心痛。 嘉欣與陳凱琳、譚凱琪、沈卓盈組成「少婦聯盟」，早前更一起拍攝性感出浴照以紀念成立一周年。四位少婦將會齊齊出發拍攝旅遊特輯，嘉欣接受《巴士的報》訪問時表示，希望是一個好的開始，笑言：「今次去第一次，之後就可以慢慢去好多個國家。」嘉欣對拍攝地點保持神秘，不過她透露會到訪一些較熱的地方。她指眾人將會在節目中穿上泳裝，又會大玩遊戲，若然輸掉便需要換上某些款式的泳裝。 嘉欣覺得歡眾平時或許沒有機會看見她真實一面，她想透過旅遊特輯與大家分享，並不介意在鏡頭前粗魯一點，希望拍出來不要太拘謹。她又強調自己已經「很久很久」沒有放假，因此她會當這次是一次旅行，而非一份工作。問到最想與好姊妹一起做甚麼，她立即回答：「沖涼！我好想同佢哋一齊沖涼，即係好似返返去讀書嘅時候，希望我哋個節目出嚟嘅效果可以好似讀書時候，一班女仔去旅行咁。我好想一齊沖涼，但唔知佢哋肯唔肯。」 現時單身的嘉欣談到感情事時，直言愛情離她很遠，因為自己並非一個可以一心二用的人，而且處理私人事比較差，沒法同時兼顧愛情和事業。她又怕另一半未能理解她的職業，擔心會面對很多壓力及沒時間見面，因而覺得現時拍拖會很難。再者，她又覺得若然自己未能在愛情上付出會對對方很不公平，她不希望成為一個自私的人。 問到有否想過何時結婚，嘉欣笑言：「我細個諗我而家已經結咗婚，但係仲未囉！無諗幾時，係老土嘅，成日講話隨緣，自然啲啦，但我又好信呢樣嘢。身邊其實好多朋友都係突然之間就拍拖，突然之間又結婚。我覺得係要出現，佢就會喺你生命中出現。」 嘉欣分享擇偶條件：「心地好，呢個我覺得好緊要！我覺得錢係重要，但我覺得更加重要嘅係呢個人勤唔勤力、上唔上進，同埋有無責任心同你一齊去搏或者一齊去捱。我唔介意一齊去捱，公一份婆一份，真係無所謂。但係心地好緊要，你無得呃㗎，心地無得扮同埋做㗎嘛。」她續指：「你揀人時人揀你，我覺得唔係你想要一個點樣嘅男朋友，我地其實都係一個普通人，我都會有優點同缺點，或者有某一種價值觀、諗法，咁你兩個人Sync（連結）到咪得，兩個人係啱Channel就Ok。」