【星光薈萃】首封視帝 苗僑偉甜蜜多謝三嫂：呢個獎係你㗎

加入影視圈近40年的「三哥」苗僑偉首度封帝，於《星光薈萃頒獎典禮》捧走「最喜愛TVB男主角」寶座，三嫂戚美珍在台下見證老公奪獎。以《使徒行者2》卓Sir一角奪視帝的三哥第一次拿下重要獎項，他說：「萬般滋味在心頭，特別要多謝十幾年前，帶我返TVB嘅梁家樹，可惜我唔爭氣，依家先有獎。另外要多謝身兼數職，照顧我嘅三嫂，呢個獎係你㗎。」 另外，《踩過界》成為「最喜愛TVB電視劇集」，眾演員上台領獎。