3仔女變萌爆小蜜蜂 陳茵媺：邊隻最甜？

陳茵媺（Aimee）與陳豪婚後三年抱三，育有兩仔一女，孭起頭家的陳豪最近返無線密密拍劇，亦開口講過唔想老婆辛苦工作，可以專心做賢妻良母。 Aimee落力照顧3仔女，日前萬聖節又悉心為寶貝們打扮，化身為陳家3隻小蜜蜂。睇嚟Aimee太回味仔女的可愛裝扮，今日在社交平台分享萬聖節相，並問：「1.2.3. 邊隻小蜜蜂最甜？」歲半的細女Camilla、兩歲半的二子Nathan騷呆萌樣，好得意；快將4歲大的長子Aiden站在弟妹中間，靚仔樣被網民大讚夠帥氣。3仔女都十足蜂蜜咁甜，打和啦！