【片段】司機疑過勞車上昏睡 客貨車直剷將軍澳迴旋處草坪

開車要打醒十二分精神！有網民上載車cam片拍到，將軍澳有一輛客貨車直衝上景林邨附近一個迴旋處，打橫橫臥迴旋處草坪，消防救護到場救出司機。網民懷疑，失事司機車上昏睡導致意外。 有網民在facebook群組小心駕駛(討論別人駕駛態度)上載車cam片，見到一輛客貨車在往寳林翠林方向行駛，近迴旋處時從慢綫切入快綫仍然無減速，反而繼續直衝，撞上迴旋處石壆，飛墮中間草坪。網民估計，「司機應該係恰著左，一出事已經衝落車幫手加報警」。 發文網民又指，「更加要多謝一位落班救護員同的士司機同乘客一齊幫手，消防救護警察好快就到現場，希望司機冇事快啲康復」。 網民就留言，指「職業司機好多隱疾，笑唔落」，「應該係工作過勞，瞌眼瞓姐」；也有人指，「好彩咁岩（啱）迴旋處無車」、「貨VAN佬好彩冇累到人唔係就比佢累死人」。