【朱經緯案】被指向遵指示男子揮棍 朱：合適武力加強服從

退休警司朱經緯涉於佔領行動期間以警棍襲擊途人，被控襲擊致造成身體傷害罪，今於東區裁判法院進行第五天審訊。 在控方盤問下，朱再強調當時行動中，他行使《公安條例》賦予的權力，將該段道路暫時封閉，禁止行人通過，而依據條例，他亦可使用武力封閉該路。而他當時並無時間向途人問「係咪行過定係途人」，並稱「冇衝擊，好似其他地方咁，我根本唔需要考慮呢啲條例」，再被問到使用警棍有否考慮到相關條例，他則指「法律嘅base 一直喺我心入面，唔需要之後睇返」，又稱「我哋執法一定要有法律依據」，而當時事件發生得太快，若他「當時考慮呢樣，考慮嗰樣，我係呃你」。 控方麥禮士資深大律師又表示鄭並非示威者，因為他未有戴上頭盔、眼罩、口罩或武器，朱即指他不同意，並提到「我執行權力唔係因為佢係示威者，當時一發生係一大班人，我眼中係一group人」。 控方指鄭在庭上已表示並非橫過馬路以衝擊上海商業銀行，而朱卻在沒有客觀基礎下假設鄭為衝擊者，朱即言「sorry 囉，佢夾喺中間，我控制唔到」，而且當時有一大群人衝擊警方防線，朱即指「邊個行人我點知」。 朱又表示使用武力為即時決定，「我使用武力嗰下係一秒鐘，你想我諗啲咩」，被問及是否藉此懲罰鄭與其同袍說話，朱揚言「不同意，我唔會用武力懲罰人」，控方再問到他以警棍擊打鄭時較其他群眾所使用的力度更大，而且擊落位置亦不大相同，朱表示不同意，並解釋「我企嘅位置、角度係我可以做到嘅位置」。 當時上海商業銀行外估計有500至600人聚集，控方指岀他向鄭揮棍前，曾向另外三人使用警棍，及要求他解釋其揮棍動機，朱即略帶激動地表示「你喺court 度pause 咗鏡頭，問我點解會咁，我剩係知當時有呢個需要使用武力」。但被問第三名男子看似有遵從警方指示，並無需向他使用武力的需要時，朱強調「使用武力係split second decision (一剎那的決定)，我認為合適武力去加強compliance (服從)」，而朱其後亦即時停止對該男子的武力。 法庭記者：陳詠詩 建立時間：1032 更新時間：1229