李亞男親身澄清冇抑鬱症：真係多得祖藍唔少

王祖藍跟太太李亞男出席樓盤活動，被問到是否打算買新屋，好讓亞男父母回港湊孫？祖藍說：「佢（亞男）話睇吓啫！因為未真係有BB，通常外父外母都比較緊張，所以睇吓，又或者投資啦！」 早前有傳亞男患抑鬱症，問亞男是否心情已好很多？祖藍笑說：「佢都無病！佢最多都係相思病，如果相思都變抑鬱症就無辦法喇！」亞男接着說：「傷你啊？」即時逗得祖藍哈哈大笑，他笑說：「係互相思念，唔係傷害我嘅傷！」一臉無奈的亞男再解釋說：「剛剛結婚祖藍去橫店拍劇3個月，嗰段時間有啲唔開心，英文係Depress，唔係Depression。」首次親身澄清否認傳聞的她笑說：「今次真係多得你（王祖藍）唔少啦！」