王祖藍惡搞吳若希唱《越辣越愛》

王祖藍策劃兼主演嘅《老表》系列回歸，今次《老表，畢業喇！》唔玩矛盾，轉玩探討教育制度，除了一貫「老表」式笑料，仲有唔少「心靈雞湯」式道理。劇集未播出前，王祖藍已有搞作，惡搞吳若希的洗腦歌《越難越愛》，整咗首為食版《越辣越愛》。 成首歌王祖藍只密集式唱出「咖哩魚蛋」四字，又扮返《老表》代表人物蔡芯上陣，甫士、畫面學足吳若希《越難越愛》的MV。問到為何惡搞吳若希？王祖藍笑謂別無選擇：「 TVB冇乜其他歌可以有版權，而我又熟嘅。（點解會淨係填四個字落去歌詞？）其實靈感係嚟自《雞全部都係雞》，我覺得好無聊，好好笑，咪照辦煮碗咯。（驚唔驚吳若希嬲？）我唔驚佢嬲，佢抵抗力好強，點玩佢都冇事，佢分分鐘仲玩埋一份添，我都好期待有一日可以同佢合唱呢隻歌。」 影片來源： TVB