同瑪姬分享夫妻之道 李亞男爆笑話：祖藍真係執咗

李亞男（LEANNE）昨日到瑪姬有份投資的髮型屋Set頭，順道為公司藝人打氣，瑪姬當然到場接待「老闆娘」駕到。二人言談甚歡，由兒時學校生活講起，亞男還跟瑪姬大談夫妻相處之道，不過亞男因為廣東話未夠好，鬧出笑話，讓瑪姬笑破肚皮。 瑪姬謂：「老闆娘無端端同我講老闆真係執咗，我就好好奇，老闆咩事執咗，當時內心嚇咗一嚇，後尾先知原來佢想講話老闆執到，因為初初祖藍同LEANNE結婚時，冇預過老婆會好似依家咁叻煮嘢食啫。第一次見識老闆娘講錯嘢，真係好震撼，哈哈。」