【片段】內地客疑打尖「是否不幫中國人」 職員：香港人永不是中國人

排隊時遇到有人插隊，若職員不協助隨時會引起爭執，但近日網上流傳一段短片，指日前有內地旅客於香港機場快餐店疑插隊，被職員制止，上載片段的網民指疑似插隊的旅客以英文問職員「是否中國人不幫中國人」，片段引起網民熱烈討論。 上載片段經網民剪輯，片段甫開始即見女職員表示：「Hong Kong guys already, forever, not chinese」，指香港人永遠不是中國人，其後鏡頭轉到另外一名男職員，表示「你影相我call security(保安)，咪拍囉，影呀影呀，影住我」，更指「買嘢喺隔離等等呀唔該」。 有聲稱在現場目擊事件的網民指，拍片者不斷罵職員，「我當時係(喺)現場，唔知前因，只係見到佢地（拍片者）一路拍片一路鬧職員，不可一世咁既(嘅)樣」、「職員維護客人不被打尖有咩問題」。 亦有網民認為職員處理方法有待改善，「拍枱已經輸咗，分分鐘冇咗份工」、「喺機場主要對外地旅客，咁好似唔係咁好」。 影片來源：香港機場實況討論區