笑郭富城失蹤專心湊B女 袁詠儀送金牌想上契

袁詠儀（靚靚）、蘇永康、蔡一智出席張玉珊慈善基金會主辦的「愛心送暖迎中秋」，與公公婆婆玩遊戲。容光煥發的靚靚表示親自化妝，老公張智霖（Chilam）也讚她化得不錯，不過靚靚笑指老公經常讚她，不是哪句是真假，又笑指老公與囝囝魔童會夾擊欺負她。 談到好友郭富城榮升爸爸，靚靚表示未有機會探望BB，亦未看過B女照片，BB出世時收到城城通知。有生仔經驗的靚靚深知要讓產婦休息，不會即時去探望打擾，過了一頭半個月才去拜訪，城城去了拍戲，亦沒理由自己踩上去探BB，與城嫂方媛未去到那麼熟絡。問到B女是否似城城？靚靚笑問女仔似城城好不好呢？她指東莞妹靚女，因她與城城都是東莞人。 靚靚又爆城城當爸爸後失蹤了，沒出來聚會，她說：「佢唔見咗，佢係個好Daddy，真係變咗。佢有覆但冇出嚟，加上又要拍戲，應該返去陪太太。（冇咗隻麻雀腳？）大把腳啦！畀佢做Daddy過下湊B生活。（會否給予湊B心得？）講咗要準備啲咩，城城咁大團隊，小美會安排得好好。」送甚麼禮物給BB？靚靚表示或會與沈嘉偉夾份送個金牌給BB。問會否上契？靚靚即說城城肯就最好，她喜歡湊B，若對方唔得閒可交給她湊。