不滿張智霖叫囝囝玩直播講英文　袁詠儀：真係一嘢想劈佢

袁詠儀（靚靚）出席荔園茶餐廳開幕禮時，她表示荔園樂園帶來無限的童年回憶，希望香港可以重現動物園。她說現時到外地必問那兒有動物園，不想兒子張慕童（魔童）只能在圖畫上睇動物，反而可以親身觸摸及感受動物的氣味。談到遊玩荔園樂園，可曾遇上艷遇？她笑說：「我爸爸係做警察，點會有人敢埋身？這個地方適合一家大細。（跟張智霖拍拖去那兒？）去睇戲，嗰時唔想見到人，初時地下情咪去睇戲囉！」

提到早前兒子玩直播講英文，靚靚即時黑面，她直言當時早餐尚未吃，兩父子便構思如何玩直播。她說：「我覺得唔係幾好，依家啲人到餐廳唔係享受餐飯就拎手機影相，我比較抗拒。兒子現時讀國際學校，中文不是母語，但佢中文進步好多，點知老公突然講句叫『英文你負責』，我真係一嘢想劈佢。」她自言並非「虎媽」，不過試過被兒子詢問可否吃東西，她答應了，但原來兒子原以為她一定不准，當得知兒子想法後令她覺得需要反省。她說：「原來佢覺得我咩都會say no，但無後悔過畀佢讀國際學校，因為佢好快樂同開心的小孩、思想好正面，小朋友應該有童年快樂，作為父母身教好重要，知識就交畀老師。」（攝影：張家宜）