【兩公婆耍花槍】袁詠儀讚李棟旭靚仔　張智霖自誇內外兼備

張智霖（Chilam）、袁詠儀（靚靚）夫妻檔出席活動，提到合體價更高，Chilam形容是「舒服價」，久未合體搵銀，證明感情不變，日前也夫妻檔拍廚具廣告。記者即問是否升到千萬酬勞？他們繼續避答，只講總之好價錢。追問Chilam是否酬勞全交給老婆？靚靚笑指今次應該無得落袋，雖然不能做老公的經理人，但一切都經她手。

Chilam笑指脫離不到老婆的魔掌，老婆又不准其他女人埋身，靚靚謂不准合作又絕不可能，否則要跟男人合作，當然是女人好，最想老公與她喜歡的全智賢合作，而老公鍾意宋慧喬，都可以合作。Chilam聽完即賣口乖讚老婆好，又踢爆她讚韓星李棟旭靚仔，靚靚反擊：「靚仔唔代表我啱。」Chilam趁機讚自己：「佢鍾意我唔係因為我靚仔，證明我有內涵。」靚靚又搞笑自稱對李敏鎬不變心，為他入伍感傷心，會等他出來。