司機出盡「洪荒之力」泊車 網民笑：識鐵砂掌就唔洗咁辛苦

香港地少人多，除了住宅供應不足外，車位需求亦驚人，泊車亦非「想像咁易」。昨日網上流傳兩張圖片，見到一輛私家車在疑似德福花園一期的停車場懷疑壞車，司機使出「洪荒之力」推車，圖將私家車推回白界以內，避免阻塞通道，但遭網民取笑「識鐵砂掌就唔洗咁辛苦」。 網民取笑司機推車姿勢，揶揄他應學習周星馳電影《少林足球》中的鐵沙掌泊車，更引用爆笑對白「你再看看那邊那位太太，如果她會少林的鐵砂掌，泊車就不用那麼愁了」、「如果佢識少林派嘅鐵砂掌就唔洗咁辛苦啦」、「 俾d(啲)掙扎！俾多2下我」。 亦有網民指不應該取笑司機，「人地壞車要推有乜問題，唔落車幫手唔緊要，仲要放上網笑人，你唔會壞車嘅」、「其實有咩好笑...壞車邊個想...咁佢都叫好人推返埋位唔好阻人呀」，更有網民教路「推B柱加控制呔盤應該會安全D(啲)」。