批教練打學生手板 家長遭網民圍攻：太保護主義

小朋友不聽話，勸教或責罵常有，但打手板就未必人人接受。有家長於Facebook上載文章，稱帶兒子到屯門區上泳班，見到一名女教練因有學生發脾氣亂拋浮板，對該名學生打手板，其後學生咬自己手臂。該名在場家長看不過眼，質問教練和泳會為何打學生，更揚言報警處理，其後稱在場教練說「唔洗理佢」後就離去。 Facebook專頁「屯門友」上載該名家長的文章，並形容「人神並憤」，指涉事教練表示「畀佢冷靜下，佢係咁」。該名家長質問教練為何打學生，教練指「我拍佢一下，唔算打」。該名家長又質問教練「人哋爸爸媽媽唔喺度，你就可以打人個仔呀」。教練則指該名學生「游咗好耐」，又指他是自閉學生。 該名家長詢問教練屬哪一間泳會，但未獲回覆，稱其後在場另一名教練向涉事教練說「唔洗理佢」，其後該名家長就接兒子離開。 不少網民認為游泳是涉及安全的運動，必須服從教練指令，否則可能會出現危險，「我細個學游水啲呀sir同miss都好惡，我好驚佢哋，比阿sir、miss打係基本，有啲係會用水潑面，其實游水唔係玩，有咩意外唔聽佢哋講會有機會有危險，如果咁都好投訴只能說而家所謂啲家長太過保護啲小朋友」。 有網民認為教練無錯，「點解唔諗下掟浮板會掟到人哋個小朋友會有咩後果，不如話掟到你個小朋友，你會點？報警，告個教練」。亦有網民不認同體罰，「2017年還崇尚體罰，威權主義，無言」。