王祖蓝恶搞吴若希唱《越辣越爱》

王祖蓝策划兼主演嘅《老表》系列回归，今次《老表，毕业喇！》唔玩矛盾，转玩探讨教育制度，除了一贯「老表」式笑料，仲有唔少「心灵鸡汤」式道理。剧集未播出前，王祖蓝已有搞作，恶搞吴若希的洗脑歌《越难越爱》，整咗首为食版《越辣越爱》。 成首歌王祖蓝只密集式唱出「咖哩鱼蛋」四字，又扮返《老表》代表人物蔡芯上阵，甫士、画面学足吴若希《越难越爱》的MV。问到为何恶搞吴若希？王祖蓝笑谓别无选择：「 TVB冇乜其他歌可以有版权，而我又熟嘅。（点解会净系填四个字落去歌词？）其实灵感系嚟自《鸡全部都系鸡》，我觉得好无聊，好好笑，咪照办煮碗咯。（惊唔惊吴若希嬲？）我唔惊佢嬲，佢抵抗力好强，点玩佢都冇事，佢分分钟仲玩埋一份添，我都好期待有一日可以同佢合唱呢只歌。」 影片来源： TVB