吳若希為B女搞百日宴 親友贈金鈪爭抱小公主

吳若希為有米男友Alex Ho誕下囡囡淼淼後，大多數時間都專心湊女，偶爾回港工作。話咁快淼淼已出世100日，今天兩公婆大搞百日宴，邀請親友為B女慶祝。

二人在社交平台上載溫馨照，身為媽媽的吳若希又要招呼客人，又要照顧囡囡，認真唔話得；兩公婆又錫錫淼淼合照，並一同留言：「感謝上天讓我擁有你～百日後希望你繼續健康快樂」，愛女之情滿瀉。 親友們都有開心晒相，見淼淼兩隻手仔戴滿金手鈪，目測起碼有10隻；肥嘟嘟的淼淼如此可愛，不少親友更排隊爭住抱抱小公主合影，就算覺豬緊都被集郵，萬千寵愛在一身。