港姐被指嘟姐選舉 鄭裕玲強調憑良心選5號絕無造馬

今屆港姐選舉改制後選出雷莊𠒇成為雙料冠軍，賽果一出即備受抨擊，尤其是在昨晚以「美麗大學」為主題的選舉中，任「校長」的嘟姐鄭裕玲每當在打和情況下，就可多加一票定生死，然後選冠亞軍果然同分打和，嘟姐投第二票定輸贏，她先問大家選誰好？現場雖然好多人嗌1號，她卻將這生死票投給5號，就這樣雷莊𠒇成為冠軍，跟住匆匆頒獎了事。 網民各自在不同平台發聲對賽果表示不滿外，也有在嘟姐的instagram留言：「妳玩曬啦do姐，明明一號好過五號」、「我對今年賽制非常失望。最後評審即時投，咁之前每個環節，佳麗評分有咩用？而今年冇得加入全民評分，更加係大倒退」、「咁兒戲就定冠軍？玩曬啦」、「Do姐選舉超級兒戲，你話邊個就邊個，唔公平囉」、「點睇1號都好過5號啦」、「有冇咁兒戲？小學選班長都認真啲」、「就你哋幾個投票，最尾都係你玩曬」、「Do姐妳的眼光好鬼差啊，豬扒都可以冠軍，仲要係全場最豬扒的一位，請問今年係咪『香港豬扒競選決賽』？」其實都有撐：「你揀5號好有眼光！正確嘅決定！」、「Do姐明智選擇！」但就為數極少；亦有謂：「搵著你嚟搞」、「其實do姐，都係俾人擺上枱」等。 嘟姐今日就在其主持的電台節目《口水多過浪花》，強調憑良心投票給5號，因為她看過整體表現，對眾佳麗有較多認識，直指5號每個範疇表現都可以，仲話絕對沒造馬，因為有會計師在場。