【片段】行動不便乘客質疑兜路 狂躁的哥：信唔信扑爆你個頭

的士司機與乘客爭拗無日無之，網上昨日流傳一段片段，見到元朗的哥手持疑似鐵通物體，怒吼「出嚟!我紅的嚟架嘛!我扑爆你個頭信唔信呀。」有聲稱目擊事件的網民指，夫婦乘客發現的哥兜路，故指正的哥，當時距離目的地仍有一個街口，但的哥表示前面不能停車，要夫婦即時落車，但夫婦質疑該路段可以落車，的哥聞言隨時火爆狂罵夫婦。 在Facebook專頁「生於亂世」上載片段的網民指，「佢地(乘客)話發覺個司機兜路，即時指正佢，去到差唔多仲有一條街位就話前面唔停得要佢地即時落車，事主夫婦話不嬲前面都唔係禁區點會唔落得？」 他引述夫婦指，「個司機聽完友好似發左(咗)神經，突然係個司機位旁邊攞左支類似水喉通既(嘅)物體衝左(咗)落車，跟住想開門打我地，嚇到我地即時係另一道門落車。佢不停話信唔信扑爆你個頭，條路點行佢點會唔知」。 網民看片段後指，「搭得的士當然想點對點門口落啦…而家個女既仲要係行動不便，比錢仲要行？」亦有網民指，「司機咁躁一定不對，但是多咗一個街口就吵著説人兜路也是不好，現在有些讀過書，動不動就要投訴。」