杜拜豪食豪玩 祖兒阿Sa睇靚景勁Happy

容祖兒、蔡卓妍（阿Sa）日前孖公仔飛去杜拜拍旅遊節目，同老友出遊寓工作於娛樂，當然開心啦。二人豪食豪玩非常歎，去了位於杜拜的全球最高餐廳共進晚餐，透過360度全景的落地大玻璃窗睇日落，難怪二人笑到見牙唔見眼。祖兒開心留言：「Happy life =全球最高的餐廳+ 美食+ magic hour + 勁靚view + 少女盡訴心中情。不求同年同月同日生，但願同年同月同日chill」。唔知兩位「少女」邊飲酒邊傾啲乜呢？ 歎完美食，阿Sa亦上載豪玩美照，全白Look示人的她騷長腿，欣賞著美景在大泳池中做spa，十足公主咁款，阿Sa都不禁高呼「美、震撼」。