黃芷晴拍拖1年心急嫁人 傳黃日華嫌阿女男友事業無成

黃日華獨女黃芷晴現年27歲，前年年底與拍拖3年的男友Bryan分手後，與現任Jimmy Fung拍拖1年。不時在社交平台放閃的黃芷晴似乎認定男友，出席公開活動都拍拖更，她曾表示希望3年內嫁人，似乎有晒計劃。 有指黃芷晴已答應男友Jimmy求婚，更已搵人設計婚紗，不過黃日華嫌Jimmy未達標，怕愛女婚後要捱；黃芷晴都呻過男友同爸爸冇乜幾句，睇嚟Jimmy要順利娶妻要加多把勁啦。 據知，曾任職酒店業的Jimmy發明星夢，已辭去工作一心入娛樂圈，黃芷晴亦幫到盡為男友搲撈，引薦男友、拍廣告都提議情侶檔；可是男方事業未有成，就令黃日華唔多Like。雙方都想早婚似乎一拍即合，就連大時大節食團年飯，黃芷晴都就晒男友家人優先過節，再同爸爸媽咪食。然而情侶間多為小事嘈交，黃日華兩公婆都勸阿女要睇定啲先。