雷頌德爆被黎明捉去韓國蒲夜店

雷頌德（Mark）和太太梁家玉（Jade）作客奇妙電視節目訪問，對於不少人誤會黎明由情歌轉唱快歌，都是拜Mark這御用音樂總監所賜，Mark卻苦笑說：「黎明係無人叫得佢郁，所有嘢都係由佢自己出發！」 Mark解釋說：「當年黎明去咗韓國一轉，返來同我講要唱快歌！我心諗：快歌，我拿手啦！點知寫畀佢，佢話：都跳唔到舞嘅，聽咗都唔想郁，最後佢捉咗我去韓國兩個禮拜！」Mark回想那段日子，日日去不同夜店觀摩，說：「黎明要我觀察，到底播咩歌先會令人跳舞，嗰次真係一個好好嘅經驗！」 至於與老婆Jade結緣，是因為一次拍戲而戀上。Jade笑道：「我哋都幾同聲同氣，性格好接近，又熱愛家庭！」Mark認同說：「Jade成個男人咁，又同我一樣駕電單車！」當年Jade帶著跟前夫生的兒子改嫁，Mark不諱言：「我都係單親家庭長大，自細跟住媽媽，所以我好清楚Jade嘅情況，亦好明白作為一個後父嘅責任！」