鄧兆尊撞傷嘴冇得同女友Kiss：幾恨呀

鄧兆尊為陳嘉儀寫真集簽名會擔任嘉賓，兩人即場跳辣身舞。對於可有被陳嘉儀的身材吸引，鄧兆尊笑指不覺得好勁，自己平時接觸的女性也咁上下，沒特別，但10年前就好難講。笑他定力夠時，他謂不嬲都無，又指今次工作由女友助手接洽，酬勞不是歸他，並由對方收取。 問到跳辣身舞可會擔心3位女友呷醋？鄧兆尊笑指女友沒有到場，又稱日前開工撞傷嘴唇。提到傷嘴後不能咀嘴，他說：「最好啦！幾恨呀，咪搞傷殘人士。佢哋成日迫我搽蘆薈，好怕黐。明天我拍跳傘戲，我無乜所謂，但家人唔想我跳。」問到家族可有賣地？他連聲說無：「我銀行戶口都無進帳，呢啲我唔理。（家人處理？）帶不走嘅嘢唔緊張。」