【頸痛冇心情】玩直播網民提陳冠希　阿嬌：留言快得滯乜都睇唔到

張智霖跟鍾欣潼（阿嬌）為其主演的電影《京城81號II》宣傳，阿嬌Fit爆亮相，身穿黑色連身裙的她更騷小蠻腰。談到身型Fit爆，阿嬌透露早前患上荷爾蒙失調現差不多痊癒，飲食開始營養均衡、少食多餐。問到她可有做運動？阿嬌說：「要開始做運動，因為背脊無肌肉支撐，右手完全無力。頸椎應該壓住神經，頸上下郁都有問題。如果執嘢個頭向咗前，就無力向返後，需要人扶，我過兩日睇醫生。」

此外，談到早前為《京》片宣傳跟觀眾做直播交流，卻惹來不禮貌網民以「陳冠希」等留言洗板。問到阿嬌是否感到不愉快？她說：「咁又無，當日條頸好痛，郁唔到。又有少少亂，唔知佢哋想我點答。原本我無諗住拎個電話，係因為螢幕太高抬唔起頭。（網民不停提起陳冠希。）留言快得滯，乜都睇唔到。」