帶囝囝落公園散步　黎諾懿小春雞鬥吹水

黎諾懿B仔小春雞已經3個幾月大，開始帶囝囝認識世界，成為晒B狂魔的黎諾懿在社交平台分享湊仔點滴，第一課先帶小春雞落屋企樓下個公園睇花花草草，小春雞睇到成個呆樣出晒嚟，流晒口水，好奇地四圍望。

第二課就係「牙牙學語」，去公園散完步，黎諾懿陪小春雞傾偈，將囝囝放在大髀上，露出一雙「美腿」，並同囝囝講「好大隻喎你，係咪吖？今日去咗邊到玩吖？公園！你寧舍多嘢講㗎，仲有咩講吖？」小春雞見到爸爸撩講嘢，笑晒口咁「咿咿呀呀」回應，非常趣緻。網民都讚黎諾懿「神之馬壯之神之美腿～」、「好cute好cute好cute！小春雞冧死人啦！」