【片段】囡囡喊到失魂　虎爸「審犯式嚴刑逼供」教單雙數惹爭議

每個父母都想子女成材，但過份催逼或會適得其反。網上近日流傳一段短片，片中一名小女孩「喊晒口」學單雙數，被爸爸不斷質問哪個數字是單數或雙數，只見小妹妹即使答對，該名爸爸即道「大聲啲啦，聽唔到呀」，答錯時又被爸爸鬧「你試吓數手指」。 事源爸爸於Facebook上載圖片，指「比(俾)錢出去上完堂，返嚟都係唔識，始終都係要靠自己一對一審犯式嚴刑逼供。」 其後他亦上載教囡囡單雙數短片，隨即引起網民一面倒批評，有任職教練的網民指，「深信無教唔好嘅學生，只有唔識教嘅教練，唔識教，真係唔好亂教......好大陰影架。」有網民直斥爸爸太惡，指「阿女俾爸爸鬧到失晒魂，就算識都俾阿爸鬧到唔敢出聲啦，唔識唔可以溫柔咁教?」 亦有網民認為，清官難審家庭事，「人地點敎仔，有咩值得討論？」有網民指，對補習社教學不滿可投訴，但不應該將女兒照片和影片上載，因對她有很大影響。