顏卓靈東京玩街拍冇時間購物 把握黃金半小時狂掃古著
2017-07-03 13:04 
顏卓靈（Cherry）獲日本時尚品牌邀請，早前到東京出席秋冬季時裝預展Show，並身兼模特兒換上多套時裝大玩街拍。本來工作行程緊密，不過購物是女人天性，她亦發揮其購物小宙宇，在半小時內旋風式地瘋購，結果不負眾望大有斬獲！
Cherry在4天的行程中，走遍東京街頭四處覓靚景，分別在潮人區原宿、涉谷、六本木等地取景拍攝fashion snaps，在一天之內更要換上6、7套時裝。可是，每天早上開工至晚上，她的收工時間撞正店舖關門，每日只有望門輕嘆！不過一場來到東京又怎會放過購物機會，在最後一晚拍攝，大家十分合作比預期早了半小時收工，於是她便極速地瘋購一番。她笑說：「拍咗3日其中一晚喺原宿，呢晚拍到黃昏，有少少時間去行下，我影相時候已經見到有一間時裝小店，好多人入去行，所以唔放過機會一收工就衝入去行，呢間係古著時裝店好吸引，因為時間關係我都換唔切衫就入去，不過工作人員要趕住拎啲衫返公司，咁我即場就買咗套衫著，我都未試過買嘢買得咁快，仲要即刻著上身。」
關鍵字
最新回應