吳佩慈誕第3胎　開心晒B仔Hudson可愛相

台灣女星吳佩慈為百億富商男友紀曉波，先後誕下大女Hillary同細仔Hans，一直以來淡出幕前做賢妻良母。月前她已宣佈造人成功佗第3胎，今日傳出吳佩慈於上月底已再榮升為媽咪，喜迎B仔Hudson誕生。

有指吳佩慈今次生B比預產期提早了10日，B仔出世前她吃了3個月安胎藥，懷胎時盡量臥床穩定胎兒。今日吳佩慈在社交平台上開心分享囝囝的BB相，面露微笑相當可愛。據知吳佩慈未夠喉，愛小朋友的她想生夠5個仔女，並等到Hudson斷奶才會減肥，專心照顧囝囝是首要任務。