鼓勵年青人　杜Sir廿年前都拍過三百萬低成本電影

鮮浪潮始創人杜琪峯和顏卓靈等人出席電影《戀愛發病》鮮浪潮慈善首映禮，杜琪峯認為該片好適合年青一代導演作為借鏡，簡單題材又成本低，又笑謂自己廿年前也拍過二、三百萬的低成本電影。 問到可會多接觸新一屆政府林鄭月娥班底去支持電影業？他說：「近年政府支持好多，藝術發展局資源上比多咗，過去有幾部戲都幾成功，但呢個氣氛下啲年青導演有信心，入行可以奮鬥。」他透露忙於揀劇本中，但不會跟周潤發合作，因聽聞對方今年沒有時間，希望大家會有機會合作。 顏卓靈表示被這套泰國電影的宣傳片吸引而來，當中會講及人生同貼地生活，又指本身好恨拍愛情片，希望跟靚仔又好戲的男星合係。問到可會介意跟男友白只合演愛情片？她說：「唔介意，靚仔咩？佢有一種獨特型。不過劇情唔好著重講愛情，要帶有訊息，同佢都成日講啲學術性，鍾意有深度。（喜歡心靈交流？）係呀！」