應慳則慳婚禮支出近50萬　陳柏宇不捨坐商務位飛蜜月　

將於7月2日在港結婚的陳柏宇出席公開活動，日前柏宇跟未婚妻符曉薇於網上放閃，發佈於倫敦拍攝的玩味婚紗相。柏宇笑說：「公司問post唔post（婚紗照）？我話post囉，啲閃放晒㗎啦！」

談到那裏度蜜月？柏宇說：「到依家都未確定，想去夏威夷，見飛10幾個鐘想坐舒服啲，但見商務每位3萬幾，坐經濟都係5千幾。」他坦言應慳則慳，籌備婚禮必要的支出當然沒有手軟。他透露到時筵開40席，現時支出已接近50萬元。