梁浸浸剪髮迎夏天　鄭希怡驚訝：開始有啲女人味

鄭希怡（Yumiko）囡囡梁浸浸的天然呆表情最得網民歡心，逢親Po梁浸浸的可愛相，網民都好Like。昨日Yumiko帶囡囡剪頭髮，原來天生鬈髮的梁浸浸兩年以嚟第一次剪頭髮，將頭髮剪短啲，夏天都涼爽啲。Yumiko開心分享囡囡的側面相，佢都覺新髮型令梁浸浸「開始有d（啲）女人味」。

另外，愛做運動Keep Fit的Yumiko，今日就帶埋囡囡去做Gym，Yumiko努力做深蹲，細細隻的梁浸浸就跑嚟跑去，Yumiko即捉住囡囡當啞鈴咁舉，畫面好有愛。佢亦留言笑梁浸浸好有活力 ：「開始騷擾我做運動啦 #和我一齊做運動 #由細培養 #健康人生 #呢個啞鈴都幾重」。