Bob獲邀同碧咸演親兄弟：笑完十幾秒就收佢線

林盛斌（Bob）於社交平台貼文，話有內地中介聯絡他拍一部過億投資大片演男二，講他跟男一為親生兄弟的奮鬥故事，仲話搵緊碧咸做佢大佬！他說笑完十幾秒後就收線，仲Hashtag「#親生兄弟呢下冇得唔笑」。網民都被Bob的貼文逗笑，有謂可能大陸都有人個藝名叫碧咸呢！

Bob貼文： 呢一行，有好多好流、水份好高嘅 agent，即係中介人，今日又遇到一個，內地嘅，印象中好似唔知喺邊度交換過聯絡電話..... 佢：「Bob，嚟緊有套全國院線大電影，過億投資，片商諗住搵你做男主角二號！」 我：「多謝多謝，套戲講咩㗎呢？」 佢：「講你同男主角一號，即係你親生阿哥，兩兄弟由喺街邊炒栗子努力向上到致富嘅故事！」 我：「好感人咁喎！咁邊個會做我哥哥？」 佢：「仲度緊，初步應該係.....碧咸。」 我笑完十幾秒之後我就好客氣咁收咗佢線。 #親生兄弟呢下冇得唔笑