方俊證張偉文身體無恙最愛鬥嘴講粗口 七師傅主動接棒助養丨獨家

本月21日72歲生日的「靚聲王」張偉文近年除了因腰患要坐輪椅外，更有認知障礙症，幸好獲愛徒方俊不離不棄照顧。不過，近日張偉文現身方俊媽媽蘇麗92歲壽宴時，被影到體型明顯消瘦，面容憔悴兼臉色灰黑，事後方俊解釋只是燈光問題，強調偉文身體好好，食得瞓得屙得又talk 得。 採訪：方騫平

張偉文現身方俊媽媽壽宴上都有啲笑容。

七師傅同方俊一樣好錫張偉文。

張偉文最愛食嘢。

方俊對張偉文有情有義。

當晚方俊媽媽蘇麗生日宴除張偉文外，仲有玄學家七師傅(七仙羽)夫婦、尹光夫婦、文雪兒、劉家豪梅小青、方麗盈、鐘叮噹、劉雅麗和媽媽包曉華、戴耀明、張本立等，席間方俊跟嘉賓高歌助慶。七師傅送上大利是給年老無依的張偉文，她還擔心方俊同時間要照顧兩老非常吃力，主動提出可接力助養張偉文，雖然方俊無意「交棒」，但深受感動，力讚七師傅好有義氣。

席間七師傅送上大利是給張偉文。

好有善心嘅七師傅對張偉文送上關心。

方俊、七師傅愛的擁抱，盡在不言中。

七師傅擔心方俊照顧兩老有經濟壓力。

七師傅在利是封寫上祝福句。

七師傅指孝順就有運行

七師傅相信物以類聚，什麼人就結交什麼朋友：「方俊夠孝義，個人一定係好，係好值得交嘅朋友。」七師傅有感而發說：「呢行嘅人好現實，兩年前我開唱笑騷見證到人情冷暖，因為名氣唔夠請唔到嘉賓，好彩最後得到鄭欣宜及張敬軒相助解困，所以我更加珍惜真友誼。」七師傅又指個天一定會幫孝順、善良的人：「加上方俊既英俊又多才多藝，煮食都好叻，相信星運會越來越好。」搞笑的七師傅授予方俊增運錦囊：「因為佢有媽媽冇爸爸係會有啲缺失，所以佢可以搵契爺和媽媽做配對，咁就一家團圓啦。」師傅更建議方俊契正行運的尹光及飲食業老闆張立本，因為兩人都有錢又有面，可以幫到手。

張偉文、尹光夫婦、七師傅夫婦、文雪兒、劉家豪梅小青、方麗盈、劉雅麗和包曉華等出席方俊媽媽壽宴。

七師傅在台上分享娛樂圈人情冷暖的體驗。

七師傅建議方俊契有錢有面張立本做契爺來增運。

張偉文、尹光夫婦、七師傅夫婦、文雪兒、劉家豪梅小青、方麗盈、劉雅麗和包曉華等出席方俊媽媽壽宴。

兩年前七師傅的唱笑會獲軒仔任尾場嘉賓。

當日鄭欣宜撐七師傅做唱笑會嘉賓。

方俊請來尹光夫婦、文雪兒、劉家豪、梅小青、方麗盈、鐘叮噹、戴耀明、張本立等參與媽媽壽宴。

方俊跟劉雅麗、包曉華、王美蘭好老友。

方俊、文雪兒變成好拍檔。

七師傅夫婦忙中偷閒現身。

七師傅著方俊契尹光做契爺。

七師傅大讚方俊係孝順仔。

提到張偉文身體狀況，方俊指他多年來已適應護老院早睡早起的生活模式，故晚上精神會差些，加上戴了鴨嘴帽遮了些光線，影響到面色：「其實好多佢皮膚紅潤嘅相，有時佢手腳冰冷我就煲人參湯佢飲，所以佢健康好好，身體冇乜痛症，血糖又冇高，唯一係記性差啲，不過，同佢玩得耐就會有多啲反應。」方俊還笑住爆跟張偉文的相處，兩人常鬥嘴講粗口：「有時當偉文跌watt時，我就會『問候』佢一兩句，偉文就會笑住爆粗還拖，精神立即返哂嚟。」方俊表示會定時探望偉文，並在社交網透露偉文生活日常，大家不用擔心。

方俊今年中推出首支廣東歌《鼓舞》。

七師傅讚方俊廚藝了得。

偉文最愛飲茶食點心。

每逢大時大節，方俊接張偉文到家中食飯。

去年方俊參加首屆「2023寧夏平羅全國網絡歌手大賽」晉身4強，跟恩師分享嘉悅。

七師傅今年運程書都大賣。

七師傅教大家睇準時機買足金。