林盛斌媽媽撞樣梁醒波女兒！公開希望兒子做一件事曾因「鹹碟」爆公關災難離港避風頭？

2024-12-03 14:14

【與天地對話／蔡思貝／林盛斌／台慶2024／余文樂／姜皓文】TVB綜藝節目《與天地對話》在昨晚（2日）播出的一集，繼續是踏足澳洲北領地林盛斌（Bob），在節目上，林盛斌的媽媽激罕現身，她在鏡頭前公開希望兒子做一件事，結果林盛斌喊着說：「對唔住。」

與天地對話丨

林盛斌不單是娛圈「多仔公」兼吸金力極強，試過被好友陳敏之爆有10億身家，由旺角蝸居搬到九龍塘豪宅！但原林盛斌曾經經歷過談親情及事業危機，曾與太太經歷過流產的遺憾，又因被周刊拍下他買「鹹碟」而成為封面人物，與及曾瘋狂醉酒鬧事，遇上人生「最大一次公關災難」。

與天地對話丨林盛斌媽媽公開希望兒子做一件事：

阿Bob同老婆都覺得小朋友能為家庭帶來希望及歡樂，呢個亦可能係佢成為多仔公嘅原因。

阿Bob自覺係孝順乖仔。

但當佢睇片，見到媽咪好懷念自己細個對佢黐身黐勢嘅日子時，阿Bob即自責爆喊。

林盛斌小時候的家庭照曝光。

在昨晚播出的《與天地對話》，劇組找來林盛斌的媽媽預錄了一段短片，讓身在澳洲北領地的林盛斌看完後，說出心底裡的一番話。激罕現身的林媽媽，看起來有似梁醒波的女兒梁葆貞，片中林媽媽細訴對兒子的一番話：「你以前細個好痴我，連去廁所都要跟埋入去，咁而家你有冇痴到媽咪呀？少痴咗好耐，媽咪而家嘅心願就係你有時間嘅話，多啲返嚟陪吓我哋，帶埋啲孫仔、孫女同我見吓面，食飯同飲吓茶，呢啲就係媽咪嘅心願。」

林盛斌邊看邊流淚，他感觸地說：「對唔住，對唔住，我係做得唔夠好，原來你係有個心願，我真係唔知，唔知道你有時真係想見我。好掛住佢哋。我覺得林盛斌以前係孝順啲，會多啲時間陪佢哋，近呢10年、8年係少咗，我知林盛斌係好努力建立家庭，但係可能忘記咗，你自己都曾經係一個家庭嘅成員，唔好大個咗之後，成日話好忙唔得閒，少咗陪自己嘅爸爸媽媽。」

Bob林盛斌富貴家庭生活：

林盛斌曾被爆身家過10億。

林盛斌與太太黃乙頤（Pearl）結婚17年。

Bob與圈外太太育有三女一子。

林盛斌一家六口幸福美滿。

林盛斌透露疫情數年間零收入，曾一度怨社會、怨疫情、怨經濟。

林盛斌自爆讀書時期以裝惡保護脆弱內心，曾得罪惡霸被「接放學」毆打！

林盛斌回想做電台節目主持時被人睇唔起，背後聽過好多難聽說話。

製作組帶了林盛斌當年與電台DJ合作推出的CD，昔日回憶湧上心頭。

林盛斌坐船穿越鱷魚潭，不諱言直指演藝圈都係鱷魚潭：「表面個個笑笑口，其實好多人想你死！」

林盛斌感恩大女Faye面對酸民好懂事，沒有不快之餘更懂得維護爸爸。

Bob嫂由陀第二胎開始，要打胰島素針。

Bob嫂平時糖尿指數偏高。

Bob嫂陀最後一胎時，整個懷孕過程打了980針。

Bob嫂認為小朋友是天賜的禮物。

林盛斌的大女霏霏長得亭亭玉立。

三女林機兒（左）長高不少，轉眼已及二家姐林熹兒的半個頭。

二女林熹兒（右）和三女林機兒自細於香港藝術體操專業學院上體操班，早已達比賽級別及預備組。

孻仔林道申自幼開始學跆拳道。

Bob為了家人有更好的居住環境，一家六口由九龍塘四層獨立屋，入住同區另一間大屋。

Bob嫂與仔女一齊拍片介紹間房。

當時睇其實都已經唔少嘢，但都算整齊。

間房大到可以玩遊戲。

書櫃都好整齊。

Bob為了令家人有更好的居住環境，越住越豪。

林盛斌太太的工作室都好大。

廚房都好吸引。

林盛斌拍囝囝打籃球影片，意外曝光花園好大。

與天地對話丨林盛斌Bob最大一次公關災難

「多仔公」林盛斌與太太黃乙頤均十分喜愛小朋友，因為他們覺得小朋友能帶來希望及歡樂，就在他們決定生第四胎時，不幸的事情發生了：「嗰陣同太太商量不如生多一個，跟住就努力造人，然後好彩好快就成孕，但又好唔好彩咁陀咗2-3個禮拜左右，我太太話畀我知小產咗，嗰一刻都係唔開心同失落嘅。」不過向來正面的林盛斌，決定再努力嘗試的同時，並在朋友的佛堂為逝去的小生命進行儀式：「希望佢可以去到佢想要去嘅地方，我好記得我同太太喺喇嘛師傅念緊經時，我哋不約而同喺心入面同BB講：『如果你想返嚟我哋呢一個屋企，你就返嚟啦，我哋隨時歡迎你。』唔知係神明保佑定係點，隔咗大概一到兩個月左右，（太太）真係又有咗，就係而家嘅細佬，我哋好開心、好感恩。」

在今晚（3日）播出的一集，林盛斌則會暢談人生「最大一次公關災難」：「大到令我覺得可能要玩完，就係12、3年前第一次上雜誌封面，我記得封面出街前，嗰晚有個朋友打畀我，話影到我買鹹碟…當時我一睇個封面，條題類似係好男人人設崩壞，買四仔。嗰時我心諗死火，我第二朝打電話畀澳門啲老闆，話我喺香港出咗事，問佢可唔可以收留我？嗰時我直頭覺得係世界末日，嗰陣其實我屋企都已經有兩個小朋友，咁我唔可以冇收入、唔可以唔搵食。」之後決心面對自己錯失的阿林盛斌，逐一致電當時合作的客戶道歉，還向對方表示可以隨時換人，豈料換來的竟是意想不到的答案，有客戶更表示，預備了一隻儲有三千多套鹹片的usb並叮囑林盛斌：「以後唔好再買嗰啲碟。」林盛斌邊說邊感嘆：「真係做錯咗，咪改過咯！」

相關閱讀：姜皓文稱從未見過生父罕談身世流男兒淚需停機冷靜情緒：曾跟過養父姓