2分鐘決定買誠哥盤 收樓無奈接火棒 90後夫婦望樓價越來越好「唔好跌得咁誇張」
2024-05-04 06:00 
提起「誠哥盤」一定想起早前長實黃竹坑站上蓋Blue Coast 以撈底價吸客，其實過往長實新盤，如日出康城新盤SEA TO SKY、油塘新盤親海駅II、屯門飛揚等，開價取態均震撼市場，同時可被外界解讀成誠哥如何看待本港樓市前景及經濟狀況，所以「誠哥盤」開價向來對市場舉足輕重，我們再倒帶回到2021年11月，另一「誠哥盤」洪水橋#Lyos ，當年正貼近CCL歷史高位推出市場，同樣以低價吸客，不過近兩年隨樓價回調，樓盤於今年初收樓，業主無奈接受「接火棒」事實，對比同區新盤最新一張價單，已下跌逾兩成，其中90後夫婦冼生冼太表示，被朋友說 「買貴咗」，但二人對樓市仍抱住期望同時睇好洪水橋前景，「希望會越來越好，唔好跌得咁誇張」。
冼生冼太兩夫婦月入大約6萬元，他們坦言沒有物慾使費少，每月可以儲到7成人工，「我哋冇太多娛樂，通常都係周圍逛街，好少豪飲豪食，儲錢會儲得比較多」，所以首期完全靠自己，零父母幹。
雖然二人有足夠資金入市，但冼生表示其實起初是打算先租樓，「本身打算租樓一兩年試呜邊區比較好住先，由屯門開始睇，睇過屯門市廣場同其他新盤有柏御同豐連，之後地產代理開始叫我們考慮買樓，首先係試入票火炭星海堤岸，不過抽唔中 第二次就已經係#Lyos ，當時得返最後三個單位，最後應該係用咗2分鐘決定買入呢個單位。當時2分鐘我係諗日後我哋屋企會點？裝修會點？按揭係咪會過到？將來生活費係咪足以負擔供樓？」
對上車後的生活充滿許多考慮，但由於單位在預算範圍內，所以勇敢作出決定，於2021年11月以約660萬元，買入這個約455方呎的兩房單位，不過隨後迎來加息周期及樓價下跌，而2023年推出的同區新盤滙都更越賣越平。參考4月最新一張價單折實均價約1.2萬元，對比#Lyos首批折實均價 1.55萬平超過兩成，冼太紛被朋友說 「買貴咗」但她表示，「始終我哋自住都沒所謂啦！加上周邊環境都好舒服，對比其他新盤，呢邊係低密度設計，心情都會舒暢啲，因為我想抬頭就望到天空。」
冼生認為長遠而言始終是買樓化算，「我覺得租樓淨付出冇回報，買樓自住冇咁蝕之外，之後日後賣出去，就算樓價升少少或平手都冇太大的損失。」北部都會區概念同樣是冼生睇好樓盤的因素，「日後將會有洪水橋站，仲有北部都會區，如果呢區置業的話 ，相信日後同邊落成既商業區主會帶旺洪水橋。」
夫婦二人總結，樓價升跌對於他們而言影響不大，「因為呢個單位滿足到晒所有要求，有兩房、 加上我哋有計劃要下一代，呢個單位將會係我哋人生一部份，唔係我哋踏腳石。」
驗收單位高達91分
單位經資深驗樓師賴達明（明哥）驗收後，沒大問題出現，明哥指出，是驗過屋苑的單位而言質素較好。瑕疵上都是比較輕微，主要是清潔問題，所以高達91分。
直擊全區最細單位
有業主早已接受「接火棒」事實，寧願先將單位放租再作打算，現直擊全區最細單位，位於1B座低層C室，面積202呎開放式單位，位於1B座低層C室，面積202呎開放式單位，參考最新租賃成交#Lyos一個同類型單位，最近以月租7,900元租出，業主預計享2.7厘回報。
雖然是細單位，但非常有驚喜，因為門口旁有一個相當大的空間 ，可以讓業主訂做一個大儲物櫃，一個人住的話相當足夠。而雪櫃都是這個單位加分之處，因為以往開放式單位的雪櫃以容量較細單門雪櫃為主，今次則採用標準雙門雪櫃，儲物量非常足夠 。
家電配備值得一讚，不過經明哥驗收後，發現單位瑕疵就較剛才的兩房單位多，主要有兩個較大問題出現，首先是大門旁牆身較高的位置有一處空鼓批蕩，面積大約兩呎乘兩呎 ，錘擊測試發現響聲相當大，表示批蕩有鬆離的跡象，沒有貼實於牆身，建議需要處理 。
另外就是窗戶玻璃有一粒崩點，明哥指，「我驗過呢個屋苑其他單位，其實玻璃質素相當良好
我相信係個別情況 」 兩個問題成為主要扣分位，另外其餘小瑕疵有浴室地台及門檻欠防水膠邊、扇窗框有刮花等等，最後單位有80分。而明哥驗收的上述的兩個單位，發展商回應已即時處理，現時已執修完成。
相關文章
撤辣後首個「誠哥盤」快開價 細數往績尋啟示 飛揚2期炸爆市場 親海駅II掀搶購潮
---
【上車驗樓，星島搵專家幫你手！如果你有新盤驗樓、裝修分享，請即Email：[email protected] 】
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
最新回應