放榜21年十優狀元自爆跌宕人生轉跑道抗癌魔參透：人生點會一帆風順｜Juicy叮

2024-03-11 10:15

放榜21年十優狀元自爆跌宕人生轉跑道抗癌魔參透：人生點會一帆風順。鄺文傑fb圖片（左）、本報資料圖片（中及右）、成績單為fb「90年代回憶 (新版)」截圖

古往今來「狀元」一詞都像被光環包圍，閃亮人生從登科及第一刻開始。網上近日流行把藏於櫳底的陳年亮麗成績單貼堂。在facebook專頁「90年代回憶 (新版)」上載的一張2003年會考10A成績單，10支火箭震動網民眼球，也帶出了十優狀元鄺文傑自放榜後21年來的跌宕人生；而fb專頁內一紙無名氏的會考8A成績單，卻讓網民反思了讀書叻是否等於搵錢叻的直向思維。

廿年人事幾番新樓主：十優成回憶

2003年沙士一疫，當年高考及會考如期舉行，就讀屯門順德聯誼總會梁銶琚中學的會考生鄺文傑，在疫情陰霾下考獲超級亮麗成績，是當年17位十優狀元的一份子。如今，鄺文傑也不吝嗇地在facebook上載成績單湊近日的「貼堂」熱鬧。

廿年人事幾番新。再看這張含金量極重的10A成績單，在十優狀元鄺本尊筆下卻已輕描淡寫成為「一個回憶」，但從帖文內容，可見由戴口罩應考至今的21個年頭，在鄺文傑身上卻發生了大學選科、就業、轉跑道、追尋理想、戰勝癌魔的人生大事。

十優狀元自述全文逐張睇↓↓↓↓

十優狀元鄺文傑廿年人事幾番新。鄺文傑fb圖片（左）、本報資料圖片（右）、fb「90年代回憶 (新版)」截圖（中）。

超勁10A成績。fb「90年代回憶 (新版)」截圖

鄺文傑訪台東布農族。鄺文傑fb圖片

鄺文傑：唯一知道自己對醫同Law（法律）冇興趣。fb「90年代回憶 (新版)」截圖

鄺文傑遊日本層雲峽大雪山國立公園。鄺文傑fb圖片

鄺文傑：十優呢個身分，帶俾我嘅係一個回憶。fb「90年代回憶 (新版)」截圖

攝於2023年新春。鄺文傑fb圖片

鄺文傑：加上幾年前我淋巴癌四期，亦都出現過情緒病，後來化療同埋骨髓移植之後而家好返。fb「90年代回憶 (新版)」截圖

鄺文傑在台灣高雄KW2 棧貳庫。鄺文傑fb圖片

鄺文傑：好好做自己，好好生活落去～。fb「90年代回憶 (新版)」截圖

鄺文傑當上表達藝術治療師。鄺文傑fb圖片

鄺文傑帖文。fb「90年代回憶 (新版)」截圖

鄺文傑：幾年前我淋巴癌四期，亦都出現過情緒病，後來化療同埋骨髓移植之後而家好返。資料圖片

樓主：人生點會咁易一帆風順

如此驚濤駭浪，讓鄺文傑看透了人生，在帖文感慨地指「生命短暫，人生點會真係咁容易一帆風順，唔好逼死自己」、「好好做自己，好好生活落去～」。

十優狀元自述後網民有感而發↓↓↓↓

鄺文傑當上表達藝術治療師。鄺文傑fb圖片

鄺文傑的10A成績單。fb「90年代回憶 (新版)」圖片

鄺文傑（2023年4月）：骨髓移植2周年，轉血型2周年，重生2周年。鄺文傑fb圖片

網民：疾病唔會因為十優狀元而避開。fb「90年代回憶 (新版)」截圖

鄺文傑在威尼斯。鄺文傑fb圖片

網民：好少狀元會無私分享受十年後二十年後的生活。fb「90年代回憶 (新版)」截圖

鄺文傑攝於日本中村藤吉本店。鄺文傑fb圖片

網民：健康最緊要，好在而家好返。fb「90年代回憶 (新版)」截圖

網民：疾病唔會因為十優狀元而避開

回應的網民被鄺文傑的人生觀感動到，讚嘆成績驕人外，還自覺健康才是無價↓↓↓↓

•疾病唔會因為十優狀元而避開，亦唔會因為考試肥佬要教訓！所以錢財無健康咁重要！

•健康最緊要，好在而家好返。10A應該好多選擇，起碼拔咗尖唔使考高考賺咗一年。把握時機，活在當下，做到啱自己嘅嘢就最有意義最開心。

•成績換取事業，事業換取生活質素，生活質素換取快樂，資本主義的路徑，但其實仍有很多路徑可以尋求快樂，視乎心中那把尺。

•10A⋯⋯真係好勁，好多人都會諗10A會做啲咩師乜師，你帶出嘅訊息係成績唔係最重要，跳出框框，而係點面對人生更為重要，祝你日後身心都咁健康。

•雖然拎十條A真係好犀利，但我認同搵到自己人生嘅方向比十條A更有意義，共勉之。

•過咗30歲呢個年紀開始明白健康的重要性......

有網民則大謝鄺文傑——「好少狀元會無私分享十年後二十年後的生活，好感謝你分享一段經歷給我們。大家健康，加油」、「好勁，好似暫時係第一個公開以前成績同講而家情況的帖文。祝福樓主身體同心靈都健康，開心生活」。

十優狀元自述後網民有感而發↓↓↓↓

放榜21年十優狀元自爆跌宕人生轉跑道抗癌魔參透：人生點會一帆風順。鄺文傑fb圖片（左）、本報資料圖片（中及右）、成績單為fb「90年代回憶 (新版)」截圖

網民：好似暫時係第一個公開以前成績同講而家情況的帖文。fb「90年代回憶 (新版)」截圖

鄺文傑：外面激起千層浪，內心仍靜定。鄺文傑fb圖片

網民：你帶出嘅訊息係成績唔係最重要，跳出框框，而係點面對人生更為重要。fb「90年代回憶 (新版)」截圖

鄺文傑行河背水塘家樂徑。鄺文傑fb圖片

網民：有很多路徑可以尋求快樂，視乎心中那把尺。fb「90年代回憶 (新版)」截圖

鄺文傑相關新聞：iBanker轉行做表達藝術治療師鼓勵創作紓解情緒

8A成績單網民反思成績好與發達關係

至於「90年代回憶 (新版)」近日被上載的一張1992年的8A成績單，任憑網民苦苦追問目前是否高薪厚職，有否當上醫生、律師至為官，估計現時年屆45歲左右的樓主暫無現身透露，更不知是否已上岸悠哉游哉。

但在網民熱列討論期間，卻談到了讀書叻是否等於搵錢叻的話題。有人指「成績好同發達係兩件事，成績好跟機會多就有關」。

8A成績單逐張睇 + 網民大反思↓↓↓↓

8A成績單。fb「90年代回憶 (新版)」截圖

網民：大膽問句，師兄而家做盛行？fb「90年代回憶 (新版)」截圖

網民：都係嗰句，好奇樓主擇業路向。fb「90年代回憶 (新版)」截圖

網民：想知8A樓主做緊咩職業，無接觸過讀書咁叻嘅人。fb「90年代回憶 (新版)」截圖

8A樓主帖文。fb「90年代回憶 (新版)」截圖

網民：其實90年代嘅香港百業齊放，唔覺得一定要做律師、醫生先至有錢途，當年最好成績嗰幾個都無揀入醫科。fb「90年代回憶 (新版)」截圖

網民：對於一個讀書勁的人，中文那個(02)係一個遺憾。fb「90年代回憶 (新版)」截圖

網民：唔同階段有唔同成績表，而家應該係健康報告、銀行結餘、資產負債表、家庭狀況、退休計畫...... 。fb「90年代回憶 (新版)」截圖

8A成績單。fb「90年代回憶 (新版)」圖片

網民：人生唔同階段有唔同成績表

有網民人間清醒，感嘆其實幾可悲，「呢個社會只會問你咩職業，係咪賺好多......」「唔會有人問你搵唔搵到心儀工作，發唔發揮到，做得開唔開心」、而「個個狀元唔係去讀醫讀Law（法律）就係Global business（環球商業學），其實反映咗社會嘅價值觀出咗問題」。

事隔多年，有人稱讚樓主「真係勁」之餘，也指出「（人生）唔同階段有唔同嘅成績表，而家應該係健康報告、銀行結餘、資產負債表、家庭狀況、退休計畫嗰啲」。還有網民搞笑地自稱「知憂生」，同樣有8憂——「憂柴、憂米、憂卡數、憂開支、憂份工、憂荷包、憂生活、憂呢樣同果樣......」。

8A成績單逐張睇 + 網民大反思↓↓↓↓

網民亮出會考6A2B成績單。fb「90年代回憶 (新版)」截圖

網民自嘲自己是「知憂生」。fb「90年代回憶 (新版)」截圖

網民：成績好同發達係兩件事，成績好跟機會多就有關。fb「90年代回憶 (新版)」截圖

網民：其實幾可悲，呢個社會只會問你咩職業，係咪賺好多......。fb「90年代回憶 (新版)」截圖

網民：唔會有人問你搵唔搵到心儀工作，發唔發揮到，做得開唔開心......。fb「90年代回憶 (新版)」截圖

網民感慨：最垃圾我呢啲，大學揀垃圾科，出嚟搵八千，捱廿年連三萬都冇......。fb「90年代回憶 (新版)」截圖

網民：讀書叻出來做嘢走少好多路，不過際遇都好緊要。fb「90年代回憶 (新版)」截圖

會考屬舊制考試

香港中學會考（Hong Kong Certificate of Education Examination，簡稱會考）和香港高級程度會考（Hong Kong Advanced Level Examination，簡稱高考）均屬舊制考試，是如今考DSE（Hong Kong Diploma of Secondary Education Examination，縮寫為HKDSE，香港中學文憑考試）新一代學生未曾經歷過的。