港男眼紅女友搵錢多過自己網民嘲玻璃心神預言3大後續發展......｜Juicy叮

2024-03-08 08:02

今天是三八婦女節，男女兩性講求平等，但有港女卻因為加人工一事，發現男朋友原來是個大男人，介意女方搵錢較自己多。網民閱人無數，一眼看穿男方玻璃心，以過來人姿態提供大量建議，並就兩人關係的後續發展作出3點神預言——

港女升職加薪後男友唔開心

一名醒目港女過年後升職加薪，豈料男朋友明言介意收入跑輸女朋友。加人工喜事頓變煩事，港女樓主於是在網上「香港討論區」以「升職之後人工高過男朋友……發現佢唔開心」為題發帖，細述男朋友的「憂慮」，請教網民「叫我點好......女朋友搵錢多過自己真係令男人咁介意？」。

醒目港女人工高過男朋友逐張睇↓↓↓↓

港女樓主：升職之後人工高過男朋友……發現佢唔開心。

港女樓主：本身好開心公司新年後升咗我同加咗人工，不過加咗人工之後人工高過我男朋友。

港女樓主：滿心歡喜同男朋友講見佢冇咩反應以為冇咩嘢。

港女樓主：佢（男朋友）覺得自己點努力公司都冇咩晉升機會。

港女樓主：但係如果繼續喺度做，佢覺得我嘅人工高，同佢嘅距離應該會愈來愈大。

港女樓主：佢話咁樣先發現自己原來都有啲大男人，接受唔到自己女朋友搵錢多過自己。

網民：人工幾多唔使同另一半講

網民了解事情後，先是提醒港女樓主毋須向男人坦白自己的收入，指「人工幾多，唔需要同另一半講」。接著有人將心比己，坦言作為男方難免會介意女方搵錢多過自己，指「係會介意，仲會係無理取鬧嗰隻，心理好唔平衡，你要忍佢直到佢收入好過你為止」。

另有網民稱「梗係有問題啦，但最大問題加咗人工你對佢嘅態度有無改變？你有無畀面色佢睇？......」、「我係男，曾經經歷過呢個階段，所以我努力搵工，突破咗自己個安舒區，全靠我老婆突然升職」、「老實講真係會介意，但無理由阻住你發展潛力，所以......」，於是網民講出最不想宣諸於口的「分手」兩字......

醒目港女人工高過男朋友逐張睇↓↓↓↓ ＋其他網民精警回應↓↓↓↓

港女樓主：其實我自己又覺得冇咩，但唔通我要換過份人工低過佢嘅工咩？

港女樓主：叫我點好......女朋友搵錢多過自己真係令男人咁介意？

網民：其實人工加咗幾多都唔需要刻意同佢講。「香港討論區」截圖

網民：老實講真係會介意，但無理由阻住你發展潛力，所以......「香港討論區」截圖

網民：咁大男人主義，就算唔分手日後有排捱。「香港討論區」截圖

網民：也太玻璃心了。希望人哋差過佢，令自我感覺良好。「香港討論區」截圖

主張分手派網民留言↓↓↓↓

•「感情問題，一律建議分手」、
•「甚麼年代，仲有咁計較嘅男人？有些男人咁小家？」、
•「真心強力建議樓主同佢分開，呢啲男人又冇用，又自私，又自卑，你同佢過一世你就慘」、
•「樓主今年幾多歲，對另一半咁計較又冇自信冇料到嘅男人先會咁樣諗嘢......我最清楚會養家嘅男人跟本唔會咁樣」、
•「問題係你們日後預計會相差更大，到時結婚後大部分支出係你支付，湊仔又你攪晒，生活日常又你處理晒，你都諗諗自己係咪得先」。

男朋友眼紅女朋友人工高＋網民閱歷深回應↓↓↓↓

港男眼紅女友搵錢多過自己網民嘲玻璃心神預言3大後續發展......。istock圖片，非當事人

網民：飛得！換過個更高人工嘅男朋友吧！「香港討論區」截圖

網民：這種男人無咩用，快啲分手好過。「香港討論區」截圖

網民：認真答：男朋友好唔長進。「香港討論區」截圖

網民：多鼓勵男朋友向正面諗。「香港討論區」截圖

網民教路解決問題

有網民提負面的分手建議，也有積極的提倡互相鼓勵，並教路解決問題：
•「捱一年你就話出年減人工」、
•「你多啲關心下佢，問他想你點做可以令他安心啲？」、
•「你應一路去升職加人工，佢就會起勢跟隨你步伐去搵錢同你比，做廿年後到你搵夠咪做份舒服啲照顧屋企囉」。

男朋友眼紅女朋友人工高＋網民閱歷深回應↓↓↓↓

還有網民稱「只可以講有啲人介意，有啲唔會」、「有時呢啲嘢真係好難講，但呢啲事都介意，咁佢仲會介意多幾多樣？」。另有已婚人士留言指：

•「多數結咗婚之後，男人都希望老婆高人工過自己」、
•「我朋友老婆人工高過佢成倍有多，但由於行業不同，冇得追㗎啦！」、
•「佢個人心態唔得，我老婆比我多一倍，有咩問題？最緊要係大家搵到！」、
•「咁多年嚟我都搵得多過我老公，佢從來都無介意過，亦唔會減我家用；一個男人可以為自己另一伴有本事而開心，唔係佢無尊嚴，而係佢覺得自己有眼光」。