$839「大旗客」離奇來回東涌上水兩轉 的哥荷包脹：做咁耐都係第一次｜Juicy叮
2024-03-04 08:02 
有的士司機成功接到一支離奇來回東涌和上水兩轉的「大旗」，喜孜孜在facebook群組「的士司機資訊網 Taxi」亮出收據曬命。
的哥樓主在帖文中表示，「一來一回機場粉嶺就試過。做咁耐都係第一次，東涌→上水→東涌→上水」，#hashtag「（戰績）應該可以吹10年」。
大旗客來回東涌上水兩轉逐張睇↓↓↓↓＋ 網民食花生回應↓↓↓↓
行車路線長達120公里
收據顯示，事發於2月23日晚上9時37分至11時17分，全程行車路線長達約120公里，車資盛惠839.2大元，堪稱天價「大旗」。
網民稱「呢啲就叫有圖有真相」，並替樓主高興，指「呢啲真係正旗」、「至叻係你啦」、「威水」、「超貴」，祝的哥「好運自然來」，並認為如果「個客趕得切搭尾班羅湖火車過關，真係抵畀呢800幾蚊」。
大旗客來回東涌上水兩轉逐張睇↓↓↓↓＋ 網民食花生回應↓↓↓↓
網民關心的哥：來回地獄又折返人間
一口氣由「東涌→上水→東涌→上水」，來來回回踩足120公里，有人關心的哥會否太勞累，查問「落地有無腳震」，並估計「做完都幾攰，要休返半個鐘」，還稱「呢一啖旗都好攰，直頭來回地獄又折返人間喎」。
的哥樓主得戚地回應：「冇（腳震），跑一轉深圳到廣州都250（公里）啦」、「唔使（休返半個鐘）呀嘛，最多咪落車食支煙繼續」，並坦言「點會攰呢？100分鐘做840（元）」。
大旗客來回東涌上水兩轉逐張睇↓↓↓↓＋ 網民食花生回應↓↓↓↓
的哥爆乘客來回兩轉因由
心情大好的樓主接著自爆，在東涌藍天海岸第4期水藍•天岸上車落旗的「大旗客」，是因為「漏咗證件去到（上水）彩園先知」、「東涌去上水返東涌攞證件再去上水」。
有同聲同氣的行家也排隊曬「大旗」戰績，指「琴日我都試咗一單，荃灣去機場就快到機場嗰陣個客話佢朋友漏咗嘢叫我車返佢朋友返去拎，去咗天水圍再返機場」、「我試過將軍澳→機場→將軍澳→機場，又係漏證件」，獲樓主羡慕地回應「爽喎，支旗應該大過呢張」。
大旗客來回東涌上水兩轉逐張睇↓↓↓↓＋ 網民食花生回應↓↓↓↓
的士相關新聞：
銅鑼灣「恐怖的士」無數曱甴亂爬 港女困紅隧無法落車 千鈞一髮咁逃生
炫富港女搭「霸王的」 扮哭大鬧：我每個月搭萬幾蚊的士
深圳遇的士「古惑招」疑專劏港人 的士費竟被多收七成 最後靠一招甩身
遭的士司機偷拍搽唇膏睡相 夏蕙姨大方回應網民盛讚
的士司機遇野蠻乘客 毒舌過招頻爆鬧人金句：我係青山冧咗幾個
西裝男欲搭紅的由上水往粉嶺 司機拒載惹議
的士車門插兩支大香 網民解答揭背後真相
白衣醉漢凌晨搭的士 司機拍膊頭問目的地反被鬧 結局超無奈
急Call的士去結婚 網民好緊張要問一件事
外籍遊客搭的士遺背囊險失重要公仔 好心司機物歸原主獲好報
男乘客訴心事稱怪錯兒子 暖心的哥全程陪傾獲500元答謝
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應