港男眼红女友搵钱多过自己网民嘲玻璃心神预言3大后续发展......｜Juicy叮

2024-03-08 08:02

今天是三八妇女节，男女两性讲求平等，但有港女却因为加人工一事，发现男朋友原来是个大男人，介意女方搵钱较自己多。网民阅人无数，一眼看穿男方玻璃心，以过来人姿态提供大量建议，并就两人关系的后续发展作出3点神预言——

港女升职加薪后男友唔开心

一名醒目港女过年后升职加薪，岂料男朋友明言介意收入跑输女朋友。加人工喜事顿变烦事，港女楼主于是在网上「香港讨论区」以「升职之后人工高过男朋友……发现佢唔开心」为题发帖，细述男朋友的「忧虑」，请教网民「叫我点好......女朋友搵钱多过自己真系令男人咁介意？」。

醒目港女人工高过男朋友逐张睇↓↓↓↓

港女楼主：升职之后人工高过男朋友……发现佢唔开心。

港女楼主：本身好开心公司新年后升咗我同加咗人工，不过加咗人工之后人工高过我男朋友。

港女楼主：满心欢喜同男朋友讲见佢冇咩反应以为冇咩嘢。

港女楼主：佢（男朋友）觉得自己点努力公司都冇咩晋升机会。

港女楼主：但系如果继续喺度做，佢觉得我嘅人工高，同佢嘅距离应该会愈来愈大。

港女楼主：佢话咁样先发现自己原来都有啲大男人，接受唔到自己女朋友搵钱多过自己。

网民：人工几多唔使同另一半讲

网民了解事情后，先是提醒港女楼主毋须向男人坦白自己的收入，指「人工几多，唔需要同另一半讲」。接著有人将心比己，坦言作为男方难免会介意女方搵钱多过自己，指「系会介意，仲会系无理取闹嗰只，心理好唔平衡，你要忍佢直到佢收入好过你为止」。

另有网民称「梗系有问题啦，但最大问题加咗人工你对佢嘅态度有无改变？你有无畀面色佢睇？......」、「我系男，曾经经历过呢个阶段，所以我努力搵工，突破咗自己个安舒区，全靠我老婆突然升职」、「老实讲真系会介意，但无理由阻住你发展潜力，所以......」，于是网民讲出最不想宣诸于口的「分手」两字......

醒目港女人工高过男朋友逐张睇↓↓↓↓ ＋其他网民精警回应↓↓↓↓

港女楼主：其实我自己又觉得冇咩，但唔通我要换过份人工低过佢嘅工咩？

港女楼主：叫我点好......女朋友搵钱多过自己真系令男人咁介意？

网民：其实人工加咗几多都唔需要刻意同佢讲。「香港讨论区」截图

网民：老实讲真系会介意，但无理由阻住你发展潜力，所以......「香港讨论区」截图

网民：咁大男人主义，就算唔分手日后有排捱。「香港讨论区」截图

网民：也太玻璃心了。希望人哋差过佢，令自我感觉良好。「香港讨论区」截图

主张分手派网民留言↓↓↓↓

•「感情问题，一律建议分手」、
•「甚么年代，仲有咁计较嘅男人？有些男人咁小家？」、
•「真心强力建议楼主同佢分开，呢啲男人又冇用，又自私，又自卑，你同佢过一世你就惨」、
•「楼主今年几多岁，对另一半咁计较又冇自信冇料到嘅男人先会咁样谂嘢......我最清楚会养家嘅男人跟本唔会咁样」、
•「问题系你们日后预计会相差更大，到时结婚后大部分支出系你支付，凑仔又你搅晒，生活日常又你处理晒，你都谂谂自己系咪得先」。

男朋友眼红女朋友人工高＋网民阅历深回应↓↓↓↓

港男眼红女友搵钱多过自己网民嘲玻璃心神预言3大后续发展......。istock图片，非当事人

网民：飞得！换过个更高人工嘅男朋友吧！「香港讨论区」截图

网民：这种男人无咩用，快啲分手好过。「香港讨论区」截图

网民：认真答：男朋友好唔长进。「香港讨论区」截图

网民：多鼓励男朋友向正面谂。「香港讨论区」截图

网民教路解决问题

有网民提负面的分手建议，也有积极的提倡互相鼓励，并教路解决问题：
•「捱一年你就话出年减人工」、
•「你多啲关心下佢，问他想你点做可以令他安心啲？」、
•「你应一路去升职加人工，佢就会起势跟随你步伐去搵钱同你比，做廿年后到你搵够咪做份舒服啲照顾屋企罗」。

男朋友眼红女朋友人工高＋网民阅历深回应↓↓↓↓

还有网民称「只可以讲有啲人介意，有啲唔会」、「有时呢啲嘢真系好难讲，但呢啲事都介意，咁佢仲会介意多几多样？」。另有已婚人士留言指：

•「多数结咗婚之后，男人都希望老婆高人工过自己」、
•「我朋友老婆人工高过佢成倍有多，但由于行业不同，冇得追㗎啦！」、
•「佢个人心态唔得，我老婆比我多一倍，有咩问题？最紧要系大家搵到！」、
•「咁多年嚟我都搵得多过我老公，佢从来都无介意过，亦唔会减我家用；一个男人可以为自己另一伴有本事而开心，唔系佢无尊严，而系佢觉得自己有眼光」。