陰目偵信丨ERROR聽聞票房差無意開續集 吳保錡認票房毒藥叫Fans不要盲目

由ERROR成員何啟華（阿Dee）、梁業（肥仔）、吳保錡、郭嘉駿（193）主演的電影《陰目偵信》，於上周四（10日）正式上映至今，票房成績一般，暫僅收近250萬。何啟華與吳保錡、周家怡昨晚（18日）現身戲院為該片謝票，當問答環節期間，有觀眾問到會否開拍part 2，三人異口同聲指不會，聽聞票房麻麻地。

【相關閱讀】：193 宣布唔謝票反口玩突擊現身戲院 暗黑兵法助宣傳多謝傳媒幫手「炒作」

【點擊睇《陰目偵信》演員現身謝票】：

由ERROR成員何啟華（阿Dee）、梁業（肥仔）、吳保錡、郭嘉駿（193）主演的電影《陰目偵信》，於上周四（10日）正式上映。

至今票房成績欠佳，近250萬。

何啟華與吳保錡、周家怡昨晚（18日）現身戲院為該片謝票。

從左到右：何啟華、周家怡、吳保錡。

三人睇落去心情都算不錯。

當問答環節期有觀眾問到會否開拍part 2，三人異口同聲指不會，聽聞票房麻麻地。

當問答環節期間，有觀眾問到會否開拍part 2，三人異口同聲指不會，聽聞票房麻麻地。

不過，戲院都有大班粉絲到場支持。

粉絲手舉應援牌合照。

何啟華（阿Dee）一身黑白休閑Look出席。

何啟華好高興地比耶。

何啟華大派臉頰心心感謝粉絲支持。

吳保錡亦都短袖配牛仔褲悠閑打扮。

吳保錡希望粉絲不要盲目睇十幾次。

周家怡着淺藍色襯衫加牛仔褲現身，精神飽滿。

周家怡說：「本身諗住鋪條伏線，仲有少少時間，大家再叫多啲人嚟睇。」

談到是否對票房失望，何啟華表示最大失望並非演員，反而是台前幕後。

吳保錡認為每個人也盡了力，自認做票房毒藥，因為不想影響別人演戲的機會。

周家怡說：「本身諗住鋪條伏線，仲有少少時間，大家再叫多啲人嚟睇。」吳保錡更自認是票房毒藥，其他演員拍戲獲好票房，但自己就好差，搞到搭沉船。他說：「我自己攬咗最差嘅嘢先，我哋有義氣架嘛！你哋電影圈要繼續發展，我就可有可無，咁我做票房毒藥啦！」

吳保錡自認票房毒藥

談到是否對票房失望，何啟華表示最大失望並非演員，反而是台前幕後。對於監製戴栢豪在社交平台發千文跟支持者致歉，更認為自己要負責。何啟華坦言有次跟導演謝票時，大家手拖手彷似戒酒協會一樣講出自己在電影中那裡做得不夠好。吳保錡則認為每個人也盡了力，若然要改變一定可以變得更好，又解釋自認做票房毒藥，因為不想影響別人演戲的機會。他說：「其實我對演戲唔係特別大興趣，我做票房毒藥係ok！」

吳保錡希望粉絲不要盲目

提到有份演出電影《毒舌大狀》獲得好成績，相反《陰目偵信》的成績有很大落差。何啟華說：「我唔開心係見到導演唔開心，我自己做演員就覺得做好本份就有演出機會，仲要係新導演，可能之後都有人肯畀佢拍，但佢內心創傷都要時間，都有佢哋自己壓力。」對於可有招數提升票房，吳保錡直言相信不少粉絲入場睇該片好多次，但希望粉絲不要盲目睇十幾次，反而真正喜歡去寫影評談論，令他會更感動。他說：「目標想更多人去睇，唔係同一班粉絲，但係都好多謝佢哋。」對於郭嘉駿於該片演出獲得不少負評，吳保錡表示對方可能因此而不開心，但認為郭嘉駿做出突破。他說：「佢話過唔想做出原本嘅193，係想畀人睇到另一面，演員係咁跌跌碰碰，大家靠估去試，效果唔好係一個經歷，始終好新第一次上大銀幕。（其中有負評指193不參與謝票？）我臨尾嗰年都無去謝師宴，之後佢都有去呀！我睇新聞都話古老闆話唔得閒唔好勉強！」當問到是否認同古天樂的說法？何啟華說：「古老闆講嘢，無辦法唔認同喎！古老闆講咩，我地就聽咩！」

另外，提到由MIRROR成員Jer、Jeremy及ERROR成員梁業（肥仔）合資的日本料理餐廳開幕僅7個月於上個月結業，更指餐廳拖欠食材費及員工薪酬超過200萬未找數。何啟華搞笑謂：「我地畀細啲數目佢，不如改標題話肥仔欠保錡同阿Dee 40、50萬。」

 

【其他文章】：
獨家丨193收失場騷擾短訊 爆seed拒再謝票 親回應趕住錄音非介意做「茄喱啡」

保錡@ERROR爆新戀情！撻着電競KOL蔥蔥 黑色情侶裝行街勁有默契

陰目偵信丨ERROR谷票房承諾5千萬錫一人體部位 陳家樂不敢教楊天宇追女仔

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ