獨家丨韋羅莎嚇親唔再任《造星》導師 吳海昕羨慕193轉數快又夠癲

由韋羅莎（Rosa）、吳海昕（Sofiee）、胡麗英、ERROR成員郭嘉駿（193）、白只、朱栢謙和「阿卵」楊偉倫演出的舞台劇《Laugh Vacation》將於10月27日上演。劇中一人分飾多角，做開舞台劇的Rosa及胡麗英覺得冇難度，前者認為做《造星V》導師難得多，所以試咗一次就夠；Sofiee嫌自己太悶，想變得癲啲。採訪：方騫平 攝影：羅安強 髮型及服裝：Ray Mork、Eas Fu@AdmiX Hair Styling、LOEWE、Levi’s (韋羅莎及胡麗英) 化妝及服裝：Lu Gary Athena Kitty @Lumakeup.me；Onki Lau、Maje(吳海昕) 造型：PIPA Creative(吳海昕)

舞台劇經驗唔多嘅吳海昕望跟前輩韋羅莎、胡麗英學習。

Rosa認為做《造星V》導師體驗一次就夠。

Sofiee嫌自己太正直太悶。

胡麗英有豐富舞台劇經驗。

Rosa想專注做返舞台劇。

Sofiee想變得癲啲。

胡麗英認為做舞台劇冇難度。

爆笑舞台劇《Laugh Vacation》反應熱烈，已火速加開6場，共演16場。劇中講述經歷半世紀的酒店要結業，一班奇形怪狀、充滿住壓抑的城市人在酒店「最後一夜」check in後，解放他們的貪婪、慾望、好奇、自我滿足和精神，並以不同方法去宣泄，胡鬧得來唔低俗。

爆笑舞台劇《Laugh Vacation》於10月27日公演，現加開6場，共演16場。

劇中Rosa也會飾演多角。

佩服193零包袱

演開正劇及主持人的Sofiee嫌自己太乖、太悶及太認真，好期待跟一班喜劇演員合作，令自己變得癲啲，「雖然冇同193合作過，但睇過《花姐ERROR遊》，佩服佢可以冇包袱演出，而且193轉數快，個人九唔搭八好亂嚟，又百厭，好好呀，相反我太正經喇，好值得向佢學習。」

Sofiee大讚拍檔193九唔搭八，合作應有火花。

Sofiee鍾意睇《花姐ERROR遊》節目。

Sofiee同老友蘇皓兒剛去完蒙古旅行。

Sofiee曾挑戰5度公演嘅舞台劇《二人餐》。

至於Rosa及胡麗英都要一人演多角唔會有壓力，後者指此情況在舞台劇經常發生；Rosa認為場口分得好就冇問題。問到Rosa任《全民造星V》導師難定做舞台劇難？她認為是兩回事：「因為從未試過以導師身份做電視節目先接受挑戰，對住班囝囝近半年，投放心神幫佢哋做想做嘅嘢，雖然預咗有人唔喜歡，但拍咗幾個鐘，出街節目僅得一粒鐘，大家經歷嘅同眼睇係兩個世界，冇得解釋，大家有自己角度，我只能接受埋個節目，呢個係好特別、好正嘅經歷，但唔得喇，經歷過一次就夠，真係thank you very much，都係繼續做返舞台劇。」

Rosa任《全民造星V》導師被批評係咁喊。

Rosa為班囝囝盡心盡力半年，坦白真係攰。

Rosa用心照顧家人。

Rosa對班《造星》囝囝好有愛。

拍住馮允謙任《造星V》的藍組導師。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ