獨家丨193收失場騷擾短訊 爆seed拒再謝票 親回應趕住錄音非介意做「茄喱啡」

由ERROR四子梁業（肥仔）、何啟華（Dee）、郭嘉駿（193）及吳保錡（Poki）主演的電影《陰目偵信》上周四正式公映。近日各演員都四出謝票。不過，日前193卻在社交群組表示收到騷擾訊息，並宣布拒絕再為電影出席謝票活動。

ERROR出席電影《陰目偵信》首映禮時稱，如果4人檔期夾到的話，會合體謝票。

193多次強調片中只係做「茄喱啡」。

193口中阿Dee才是《陰目偵信》主角。

郭嘉駿（193）指自己在出席謝票場後收到騷擾訊息，並強調謝票並不是義務，他寫道：「收到啲好騷擾嘅message，所以同大家解釋返。謝票並唔係義務，我亦都冇應承過任何嘢。身為一個配角已經做足晒戲劇上嘅本分，亦希望大家買飛入戲院係帶住一個想睇電影嘅心情入去。」

呼籲粉絲支持電影

今日193推出今年第一首個人新歌《以為只是沒送花》，他指近一個月工作非常忙碌，身體狀況好差 ：「除恆常工作，加上好快要出Trip拍嘢，同埋舞台劇排練，所以一有時間就要去趕工做新歌，否則今年內出唔到第二首Solo歌，如果唔係你哋包場，其實我真係唔太想特登抽時間去謝票，有空閒時間我會比較想休息、養聲同埋做歌。」最後193謂：「既然原來抽時間去謝票係會收到騷擾message，今後我決定唔再謝票，不過請大家繼續大大力支持《陰目偵信》呢套電影。」

電影《陰目偵信》以 ERROR四子掛頭牌。

據《陰目偵信》的官方專頁帖文寫道，上周六（8月12日）將於港九新界舉行9場謝票場，原定出席演員有193、Dee、郭思及導演梁國輝，但在頭三場的大埔、九龍塘、荃灣，以及尾兩場的沙田和尖沙咀站，合共五場都未見193蹤影，惹起專誠買票入場支持193的觀眾不滿，並紛紛去群組洗版滋擾，因而令193情緒失控。

193收失場騷擾短訊，爆seed強調謝票並不是義務。

趕住錄音一定要走
193曾三番四次揚言今次電影僅是配角，並一度傳出他不滿戲份少，而他昨日接受Do姐電台訪問時，亦一再強調自己像「茄喱啡」，因而令觀眾認為這是他缺乏宣傳活動的原因。對此，193獨家回應《星島頭條》表示：「我再同電影公司了解吓先，一直都同監製傾緊謝票嘅問題，因為當日謝票，之前同之後都有工作，所以盡量去到邊場都會去。而當日去到大約晚上6點，趕住去錄音所以都一定要走，導致去唔到最尾果兩場。其實之前同佢哋講咗，我去到都會去。」

193昨日接受Do姐電台訪問時，亦一再強調自己像「茄喱啡」。

193都有去過幾場謝票。

同193見面要講緣份。

保錡都有份「頂住」。

仲有肥仔。

大家分工合作。

DEE GOR現身啦。

肥仔及DEE GOR撐到足。

保錡好投入。

明日193推出今年第一首個人新歌《以為只是沒送花》。

所以有時間就要錄音。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ