獨家丨陳慧敏同舊愛常聯絡：傾吓偈啫 跟逾200位小朋友合演音樂劇

陳慧敏（慧敏哥）本月會跟超過200位小朋友為兒童音樂劇《品格英雄》演出，首次參與大型舞台劇，還要跟小朋友合作，絕對是大挑戰。去年12月，慧敏哥跟異地戀男友P先生分手，再於今年2月由澳門搬來香港定居，入行13年的她希望音樂事業能重新出發，感情事放埋一邊。採訪：杜杜 攝影：Stanley

慧敏哥對愛情抱着隨緣心態，工作才是首位。

慧敏哥曾在澳門演了多套舞台劇，但在香港是第一次，更首次跟超過200位小朋友合作，「係全港最大型嘅兒童音樂劇，雖然分咗A、B cast，但有啲場口都會跟100位小朋友同場，由客串嘅BB仔，到幾歲至10幾歲都有，需要好多時間磨合先順利完成，對我嚟講絕對係越級挑戰。」

慧敏哥自誇跟小朋友相處有一手，果然跟小拍檔相處融洽。

音樂劇本月23日正式公演，近日慧敏哥忙於綵排。

開心聽小朋友唱自己歌

由於大部份小朋友都經過訓練，慧敏哥跟他們綵排後已好放心，更大讚他們有專業水準，反而她擔心自己應付不來，「我個角色最難係識魔術，我好細個學過，因為太難放棄咗，今次我係好勁嘅魔法師，又係創造元宇宙嘅master，教授同『品格英雄』嘅隊長，有幾個角色要演，未試過一個劇目做咁多嘢。」不過她最開心可以唱返自己歌，「有好多原創歌曲外，感謝團隊揀咗我3首歌去串連故事，最開心聽到小朋友一齊唱，用佢哋啲聲唱真係好cute！」

慧敏哥跟老闆之一的梁梓禧出席《品格英雄》記者會。

慧敏哥坦承以往港澳兩邊走，對事業發展有一定影響。

疫情令慧敏哥由澳門搬來香港定居，不再兩邊走，希望未來專心在港發展歌唱事業，最近剛推出今年第2首歌《Why So Serious》。去年12月，慧敏哥跟2019年在土耳其認識的危地馬拉籍男友P先生分手，但仍不時聯絡，「今日收到佢message恭喜我出咗新歌，做返朋友得閒會傾吓偈，感激佢畀咗個美麗回憶我。」重新出發的她會以事業為重，「我連旅行都唔諗，專心做好工作先，但有愛情我唔抗拒，順其自然啦！」

慧敏哥來港定居後，最掛念在澳門的親人。

新歌《Why So Serious》MV中，慧敏哥換上多個有趣造型。

慧敏哥2019年單拖去土耳其旅行時，認識危地馬拉籍男友P先生。

 

《星島頭條》新網站有更多精彩內容：http://www.stheadline.com/