193 宣布唔謝票反口玩突擊現身戲院 暗黑兵法助宣傳多謝傳媒幫手「炒作」

由ERROR四子梁業（肥仔）、何啟華（Dee）、郭嘉駿（193）及吳保錡（Poki）主演的電影《陰目偵信》上周四公映。近日各演員四出謝票，不過193在社交群組表示收到騷擾訊息，並宣布不再為電影出席謝票活動。話口未完，昨日(16日)193突襲戲院，與粉絲近距離接觸，答謝他們的支持。

電影由ERROR主演。

昨日，193的一班「老婆sss」（粉絲暱稱）在尖沙咀iSquare包場，向來愛錫粉絲的193單拖趕到現場，並在完場後走入戲院謝票，只見全場爆滿，其好友霍哥亦在現場，同時亦在IG限時動態留言稱︰「肯出嚟謝票啦咩！」

好友霍哥亦在現場。

亦在IG限時動態留言稱︰「肯出嚟謝票啦咩！」

另外，193以拒謝票報導抽自己水，「多謝傳媒幫我一齊炒作，感謝各位傳媒一直支持我同ERROR ，《陰目偵信》本身票房一直都好多綠色，而家就變咗好多橙色，希望大家都繼續支持同埋介紹俾朋友，因為第一個禮拜收得唔好嘅話，場次就會越來越少，甚至會好快落畫，希望大家向朋友推介我哋ERROR四個第一部電影。」現場觀眾紛紛大讚：「好睇」更有忠實粉絲表示已經睇第二次。 

因為粉絲包場，193單拖趕到現場謝票。

最後，193又稱會隨時突襲戲院謝票，「我會突擊去謝票，如果見到謝票場寫住係保錡，可能我都會突然間彈出嚟，大家都想《陰目偵信》收得好，當然係靠口碑，希望大家可以谷爆個票房，多謝你地。」193亦有在IG 限時動態轉發《星島頭條》謝票的短片，並笑言：「暗黑兵法，感激各媒體嘅報導，令大家關注《陰目偵信》呢套電影，我只要有時間就會隨時突擊謝票」。

193指拒謝票係暗黑兵法助宣傳。

193又稱會隨時突襲戲院謝票。

193稿電影上畫後第一個禮拜唔收得，場次就會越來越少。

193謝票之餘，仲有幫Fans簽名。

而193昨日亦推出了今年首支派台個人作品《以為只是沒送花》，MV更請來台灣藝人林莎、樂天女孩「菲菲」李恩菲擔任女主角，MV 在YouTube上架未夠一天，火速突破3萬點擊，成績理想。

193昨日推出了今年首支派台個人作品《以為只是沒送花》。

《星島頭條》新網站有更多精彩內容：http://www.stheadline.com/